बिरभान हत्या प्रकरण:४जनाको सङ्लग्नता,थप दुई पक्राउ, एक दिन शव घरमै,बाइक प्रयोग !

प्रदेश समाचार

Home
प्रदेश समाचार
बिरभान हत्या प्रकरण:४जनाको सङ्लग्नता,थप दुई पक्राउ, एक दिन शव घरमै,बाइक प्रयोग !

बिरभान हत्या प्रकरण:४जनाको सङ्लग्नता,थप दुई पक्राउ, एक दिन शव घरमै,बाइक प्रयोग !

तीन दिनदेखि बेपत्ता बैतडीको पाटन नगरपालिका –६ का बिरभान सिंह बिष्टको हत्या भएको खुलेको छ । उनको हत्यामा ४ जना संलग्न भएको प्रहरीले जनाएको छ ।
जिल्ला प्रहरी कार्यालय बैतडीका प्रहरी नायव उरिक्षक दिपक गिरिले वीरभानको हत्यामा सोही ठाउकी शिक्षिका भागरथी विष्ट र अन्य तीन जना युवाहरुको संलग्नता रहेको बताएका छन । प्रहरीले हत्याको आरोपमा शिक्षिका भागरथी विष्ट र सोही ठाउँका २० वर्षका किशोर भट्टराई र १९ वर्षका राजेन्द्र भट्टराईलाई पक्राउ गरेको जनाएको छ ।
५१ वर्षीय वीरभान बिष्ट असारको ्र१ गते देखि बेपत्ता भएका थिए । उनका आफन्तले सोमबार मात्रै प्रहरीमा उनी वेपत्ता भएको खबर गरेका थिए । आफन्तको उजुरीका आधारमा पक्राउ परेकी शिक्षिका भागरथीले दिएको प्रारम्भीक बयानका आधारमा प्रहरीले वीरभानको शव पनि फेला पारेको छ भने घटनामा सङ्लग्न मध्ये,भागरथी र थप २ जना युवकहरु पक्राउ गरेको जनाएको छ ।
विष्टको शव पाटन पञ्चेश्वर सडकखण्डअन्तर्गत पर्ने घानल खोलामा सोमबार दिउँसो सवा दुई बजे फेला परेको थियो । स्थानीय र प्रहरीले खोजी कार्य गर्दा बिष्टको हत्या गरी काँच बेरेर फालेको अवस्थामा शव फेला परेको थियो । बिष्टको मोबाइल भागरथीसँग फेला परेपछि उनकै बयानका आधारमा हत्यामा संलग्नको पहिचान गरिएको प्रहरीले जनाएको छ । हत्या गरिएका बिष्ट ट्रक चालक हुन् भने उनी शिक्षिका भागरथीका ससुरा नाता पर्छन ।
यसरी गरिएको थियो वीरभानको हत्या (प्रहरीले लिएको प्रारम्भीक बयानका आधारमा)
बैतडीको पाटन नगरपालिका वडा नम्बर ६ की भागरथी विष्ट र वीरभान विष्टका बीच आर्थिक लेनदेनको सम्बन्ध पनि थियो । अन्य सम्बन्धको बारेमा पुष्ठि भएको छैन ।

हत्यासम्मको स्थिति कसरी आयो ? भन्ने यकिन भएको छैन ।
भागरथीका श्रीमानको १० वर्ष अघि नै मृत्यु भईसकेको थियो । उनी एकल भएपछि शिक्षण पेशामा थिईन ।
असारको १ गते राती भागरथीको घरमा पुगेको खुलेको छ ।

केही विवाद भएपछि भागरथीले चिरपटले उनको टाउकोमा हानेको खुलेको छ। हत्यामा केही अन्यको पनि सङ्लग्नता रहेको प्रहरीको दाबी छ । बयानबाट पनि पुष्टि भएको प्रहरीको भनाइ छ ।
प्रहरी नायव उपरिक्षक दिपक गिरि भन्छन, ‘प्रारम्भीक बयानका आधारमा त्यहाँ केहि युवाहरुले पनि वीरभान माथि कुटपिट गरेको हुन सक्छ । वीरभानको भागरथीकै घरमा मृत्यु हुन्छ । भागरथीले मृत्यु भईसकेका वीरमानको शव आफ्नै घरमा लुकाउछिन ।’

त्यसपछि शव ब्यवस्थापनको योजना बन्छ । भागरथीको घर पाटन नगरपालिकामा पर्ने पाटन–पञ्चेश्वर सडक भन्दा माथि अथवा पाटनको खतवारीको फाँटको माथि छ । शनिबार राती मारिएका वीरमानको शव आईतबारको दिनभरी भागरथीकै घरभीत्र रहन्छ ।
केही युवाहरुलाई भागरथीले शव ब्यवस्थापनका लागि बोलाउछिन । आईतबारको राती तीन जना युवाहरु राजेन्द्र भट्टराई, किशोर भट्टराई र एकजना फरार रहेका युवाहरु आउछन । उनीहरुले वीरभानको शव पाटनको खेत (सेरो),प्लाष्टिकमा बेरेर तानेर पाटन–पञ्चेश्वर सडकसम्म पुगाउछन ।
भागरथीको घर देखि खेतैखेत शव तानेको निसानहरु पनि प्रहरीले संकलन गरिसकेको छ । सडकमा ती युवकहरुले ल्याएको मोटरसाईकल तयारी अवसथामा हुन्छ । एकजनाले मोटरसाईकल चलाउछन भने अर्कोले बीचमा शव राखेर बोक्ने काम गर्छन । घिसारेर सडकमा पुगाईएको स्थानबाट वीरभानको शव झण्डै ५ किलोमिटर पञ्चेश्वतर्फ लगेर घाङल भीरमा फालिन्छ ।
डिएसपी गिरि भन्छन, ‘ती मध्येकाका २ जना युवाहरु किशोर र राजेन्द्र शव फालिसकेपछि बसमा तराई तिर हिड्छन । तर उनीहरुलाई भागरथी पक्राउ परिसकेको र उनीहरुको नाम प्रहरीले थाहा पाईसकेको जानकारी हुन्छ । उनीहरु बसबाट झरेर जीपमा बस्नछन । प्रहरी उनीहरुलाई डडेल्धुराको साहुखर्कबाट पक्राउ गरेको छ ।’
(प्रहरीलाई दिएको बयानका आधारमा)

प्रकाशित मिति: सोमबार, असार ३, २०८१ २२:०३

प्रतिक्रिया दिनुहोस्