बीरभान हत्या प्रकरणः पाँच जना पक्राउ,घटनामा कसको भुमिका के?भन्ने विषयमा अनुशन्धान हुदै

प्रदेश समाचार

Home
प्रदेश समाचार
बीरभान हत्या प्रकरणः पाँच जना पक्राउ,घटनामा कसको भुमिका के?भन्ने विषयमा अनुशन्धान हुदै

बीरभान हत्या प्रकरणः पाँच जना पक्राउ,घटनामा कसको भुमिका के?भन्ने विषयमा अनुशन्धान हुदै

बैतडी,
बैतडीको पाटन नगरपालिका–६ घर भएका ५१ बर्षीय ट्रक चालक बिरभान बिष्टको हत्यामा संलग्न रहेको आरोपमा लागेका पाँच जना पक्राउ गरेको छ । गएको आईतबार बिहान घरबाट भागेका पाटन नगरपालिका ६ का पुन्टु भनिने २६ बर्षीय आशिष पहरीलाई पाटन नगरपालिका–५ अर्तोला नजिकैको जंगलबाट बुधबार बिहान ७ बजे पक्राउ गरिएको जिल्ला प्रहरी कार्यालय बैतडीका प्रमुख प्रहरी नायब उपरीक्षक दिपक गिरीले जानकारी दिए । यो संगै बिरभान हत्यामा संलग्न रहेको आरोप लगाउँदै मृतकका आफन्तले किटानी जाहेरी दिएका पाँचै जना पक्राउ परिसकेका प्रहरी नायब उपरीक्षक गिरीले बताए ।
मृतकका आफन्तले मंगलबार ५ जना विरुद्ध कर्तव्य ज्यान मुद्दामा किटानी जाहेरी दर्ता गरेका थिए । बिरभानको हत्यामा संलग्न रहेको आरोपमा पाटन नगरपालिका ६ की ३६ बर्षीया शिक्षिका भागरथी बिष्ट, पाटन ६ कै ३८ बर्षीय भरतमोहन बिष्ट, पाटन १ का १९ बर्षीय राजेन्द्र भट्टराई र १७ बर्षीय किशोर भट्टराईलाई यसअघि नै पक्राउ गरेर प्रहरीले अनुसन्धान गरिरहेको छ ।
उनीहरुमाथि जिल्ला अदालतबाट म्याद थप गरेर अनुसन्धान भइरहेको प्रहरी नायब उपरीक्षक गिरीले बताए । असार १ गते शनिबार रातिबाट हराएका बिष्टको शव सोमबार दिउँसो पाटन नगरपालिका–६ स्थित घाङल खोलामा फेला परेको थियो । मृतक बिष्टका आफन्तले शवको अन्त्यष्टी गरेका छन् ।
सहस्त्रलिंग आधारभूत विद्यालय पाटन–६ की शिक्षिका समेत रहेकी भागरथीले बिरभानको हत्या गरेको स्वीकार गरिसकेकी छन् । उनले काठको चिरपटले हानेर बिरभानको हत्या गरेको प्रहरी समक्ष बयान दिएकी छन् ।
घटनाको प्रारम्भिक अनुसन्धानका क्रममा मृतक बिष्ट र अन्य व्यक्तिहरु भागरथीको घरमा आउजाउ गर्ने गरेको बुझिएको प्रहरीले जनाएको छ । असार १ गते राति नै बिष्टको हत्या भएको र हत्या भएको २४ घण्टापछि मात्रै शवलाई खोलामा फालिएको प्रहरीले जनाएको छ ।
हत्या गरेको २४ घण्टासम्म मृतक बिष्टको शव भागरथीकै घरमा राखिएको र त्यसपछि अन्य व्यक्तिहरुको सहयोगमा शव खोलामा फालिएको प्रहरीले जनाएको छ ।
घटनाका बिषयमा थप अनुसन्धान जारी रहेको प्रहरी नायब उपरीक्षक गिरीले बताए । घटनामा कसको भुमिका के ? भन्ने विषय चासोको विषय बनेको छ । अनुसन्धानबाट सबै खुल्दै जान प्रहरीको भनाइ छ ।

प्रकाशित मिति: बुधबार, असार ५, २०८१ १९:२५

प्रतिक्रिया दिनुहोस्