नेकपा एमाले नगरकमिटीे मैलौली बैतडीद्धारा नगरपालिकालाई ज्ञापनपत्र

प्रदेश समाचार

Home
प्रदेश समाचार
नेकपा एमाले नगरकमिटीे मैलौली बैतडीद्धारा नगरपालिकालाई ज्ञापनपत्र

नेकपा एमाले नगरकमिटीे मैलौली बैतडीद्धारा नगरपालिकालाई ज्ञापनपत्र

नेकपा एमाले मेलौली नगर कमिटीले बैतडीको मैलौली नगरपालिकालाई ज्ञापन पत्र बुझाएको छ । आगामी आर्थिक वर्षको निती तथा कार्यक्रम र बजेट निर्माण गर्दा समावेशी, समतामुलक र न्यायोचित तरिकाले गर्नुपर्ने मागसहित २५ बुँदे ज्ञापन पत्र बुझाएको हो ।

नेकपा एमाले मेलौली नगरकमिटीका अध्यक्ष भिमदत्त भट्ट सहितको टोलीले शुक्रबार नगरप्रमुख भीम बहादु्र चन्दलाई ज्ञापनपत्र बुझाएका हुन् । पालिका मार्फत हुने बिकास निर्माणका कामहरुमा दिगोपना हुनुपर्ने, नेपाल सरकारले स्थानिय तहहरुलाई दिएको अधिकारको कार्यान्वयन हुनुपर्ने मागसहित आज ज्ञापन पत्र बुझाइएको नेकपा एमाले मेलौली नगरकमिटी अध्यक्ष भट्टले जानकारी दिए ।

दिगो बिकासको लक्ष्य हासिल गर्ने योजनाहरु अघि बढाउनुपर्ने, लक्षित बर्गका लागि छुट्याएको बजेट सम्बन्धीत क्षेत्रमा मात्रै खर्च गर्नुपर्ने , स्वास्थ्य बिमा कार्यक्रमलाई प्रभावकारी बनाउनुपर्ने, चिया खाना, इन्धन तथा उपलब्धीबिहीन भ्रमण लगायतका फजुल खर्च न्युनिकरण गर्नुपर्ने, अलपत्र सवारी साधनको सही सदुपयोग गर्नेपर्ने ज्ञापनपत्रमा उल्लेख गरिएको छ ।

यस्तै औद्योगिक ग्राम स्थापनासहित अन्य गौरबका योजनाहरुको कार्यान्वयनमा जोड दिनुपर्ने, प्रत्येक ४÷४ महिनामा सार्वजनिक सुनुवाइ कार्यक्रममार्फत नगरपालिकाले गरेका काम कारवाहीका बारेमा नागरीकहरुलाई जानकारी गराउनुपर्ने एमालेको माग छ ।