बिरभान हत्याको ७ दिन, आफन्त भन्छन्ः बाइकमा शव व्यवस्थापन हुदै सक्दैन, सबै क्यामेरा चेक हुनुप¥यो !

प्रदेश समाचार

Home
प्रदेश समाचार
बिरभान हत्याको ७ दिन, आफन्त भन्छन्ः बाइकमा शव व्यवस्थापन हुदै सक्दैन, सबै क्यामेरा चेक हुनुप¥यो !

बिरभान हत्याको ७ दिन, आफन्त भन्छन्ः बाइकमा शव व्यवस्थापन हुदै सक्दैन, सबै क्यामेरा चेक हुनुप¥यो !

बैतडी,
बैतडीको पाटन नगरपालिका–६ का बिरभान हत्या प्रकरणमा प्रहरीले निष्पक्ष अनुसन्धान गनुपर्ने माग गरिएको छ । बिष्टको हत्या भएको आज एक हप्ता पुरा भएको छ ।
प्रहरीले अनुसन्धानमा थप सक्रिय हुनुपर्ने आफन्तहरुको माग छ । घटनास्थलमा प्रहरीले अझैपनि गहिराइमा गएर अनुसन्धान नगरेको आफन्तको आरोप छ ।
‘घटना घटेको एक हप्ता पुरा भएको छ, यस अवधिमा घटनास्थलमै प्रहरीले प्रयाप्त अनुसन्धान गरेको देखिएन, सबैलाई सोधपुछ हुनुपर्ने, केही गरिएन,’ मृतक बिष्टका आफन्त बसन्ती बिष्टले भनिन् ।
घटना नियोजित र योजनाबद्ध रहेको बताउदै बिष्टले घटनाको अनुसन्धानमा कुनै कसर बाँकी राख्न नहुने अडान छ ।
यसैगरी आफन्तहरुले बजार क्षेत्र र पाटन–पञ्चेश्वर सडकखण्डमा पर्ने उदयदेव मन्दिरमा राखिएको सिसिटीभी क्यामेरा समेत चेक गर्नुपर्ने माग रहेको छ ।
आफन्तहरुले मृतक बिरभान बिष्टको शव मोटरसाइकलमै व्यवस्थापन गर्न नसक्ने समेत आशंका गरेका छन् । ‘मोटरसाइकलमा त शव व्यवस्थापन हुनै सक्दैन भन्ने लाग्छ, त्यो भन्दा ठुलै साधन प्रयोगगरेको हुनुपर्छ, ’ । घटनामा संलग्न धेरै रहेकाले एक मोटरसाइलमा मात्रै ओहोरदोहोर हुनै नसक्ने समेत आफन्तको आशंका छ ।
वास्तविक दोषी उम्कन नहुने मृतकका आफन्त बिष्टले बताइन् ।
असार १ गते शनिबार राती पाटन–६ घर भएका ट्रक चालक बिरभान बिष्टको हत्या भएको थियो । गाउँकै बुहारी नाता पर्ने अन्ताजी ३६ वर्षीया भागरथी बिष्टको घरमा हत्या गरी पाटन–पञ्चेश्वर सडकखण्डको घाङल खोलमा शव फालिएको अवस्थामा सोमबार फेला परेको थियो । प्रहरीको प्रारम्भिक अनुसन्धानबाट शनिबार नै हत्या भएको बुझिएको छ । आइतबार दिनैभर भागरथीको घरमा शव राखिएको र आइतबार मध्यराती घाङल खोलमा शव फालिएको बताइएको छ ।
सोमबार बिहान भागरथीको घर आगन हुदै खेतबाट शव घिसारिएको जस्तो देखिएपछि मृतकका आफन्तले भागरथीले वेपत्ता बनाएको भन्दै प्रहरीमा उजुरी गरेका थिए ।
सोमबार नै बिरभानको शव घाङल खोलमा भेटिएको थियो । मृतकका आफन्तले मंगलबार ५ जना विरुद्ध किटानी जाहेरी दर्ता गरेका थिए । हत्यामा संलग्न रहेको आरोपमा पाटन नगरपालिका ६ की ३६ बर्षीया शिक्षिका भागरथी बिष्ट, पाटन ६ कै ३८ बर्षीय भरतमोहन बिष्ट, पाटन १ का १९ बर्षीय राजेन्द्र भट्टराई, १७ बर्षीय किशोर भट्टराई र पाटन –६का आशिष पहरीकाबिरुद्ध किटानी जाहेरी दिएका थिए ।
प्रहरीले अरोपित सबैलाई पक्राउ गरी अनुसन्धान अघि बढाएको छ । अदालतबाट पुनः म्याद थप गर्ने तयारी थालेको छ ।
घटनाबारे मसिनो ढंगले अनुशन्धान भइरहेको जिल्ला प्रहरी कार्यालय बैतडीका प्रमुख, प्रहरी नायव उपरिक्षक दिपक गिरीले बताए । आइतबार अदालतबाट म्याद थप्ने पनि तयारी भइरहेको उनले बताए ।