बैतडीमा लागुपदार्थ दुव्यर्सनी नियन्त्रणको लागि सरोकारवालासँग अन्तरक्रिया

प्रदेश समाचार

Home
प्रदेश समाचार
बैतडीमा लागुपदार्थ दुव्यर्सनी नियन्त्रणको लागि सरोकारवालासँग अन्तरक्रिया

बैतडीमा लागुपदार्थ दुव्यर्सनी नियन्त्रणको लागि सरोकारवालासँग अन्तरक्रिया

बैतडी,
बैतडीमा लागु औषध तथा मनोदीपकजन्य औषधीका विषयमा जिल्लाका औषधी पसल सञ्चालकहरुसँग अन्तरक्रिया कार्यक्रम गरिएको छ । बिहीबार स्वास्थ्य कार्यालय बैतडीको आयोजनामा जिल्लाको पाटनमा औषधी पसल व्यावसायीहरुसँग अन्तरक्रिया गरिएको हो ।
औषधी पसलहरुमा विभिन्न रोगका बिरुद्ध दिइने औषधीहरु लागुऔषधसँग सम्बन्धीत रहेकाले ती औषधी बेच्दा बिरामीहरुलाई प्रक्रियागत तरिकाले मात्रै बेच्नुपर्नेमा जोड दिइएको हो ।
रोग निको पार्ने सामान्य औषधीहरुपनि लागु औषधका रुपमा सेवन गर्नको लागि खरिद गर्ने भएकाले उक्त औषधीहरु चिकित्सकीय प्रिस्किप्सनको आधारमा बेच्नुपर्ने र किशोराअवस्थाका वा युवा अवस्थाका व्याक्तिहरुलाई बिक्रि गर्दा ध्यान पुर्याउनुपर्नेमा कार्यक्रम सञ्चालक समेत रहनु भएका स्वास्थ्य कार्यालय बैतडीका सूचना अधिकारी विपिन लेखकले अवगत गराएका थिए । प्रिस्किप्सनको आधारमा बेच्दापनि वास्तविक समस्या भएनभएको पत्ता लगाउने र आवश्यक परामर्श पनि प्रदान गर्नुपर्ने उनको जोड थियो ।
कार्यक्रममा सहभागि पाटन नगरपालिकाका स्वास्थ्य शाखा प्रमुख मदन सिंह महराले पहिले औषधीका रुपमा प्रयोग हुने औषधीहरुलाई पछिल्लो समयमा लागु औषधकोरुपमा पनि लिइरहेकाले सचेत रहनुपर्नेमा जोड दिए । मुख्यतया युवा पुस्ता लागुऔषध दूव्र्यसनीमा फस्दै गएकाले तीनिहरुलाई कुलतबाट बचाउनको लागि सबैको दायीत्व भएको समेत बताए ।
स्वास्थ्य कार्यालय बैतडीका प्रमुख तीर्थराज भट्टले लागु औषधको चुनौती बढ्दै गएकाले सबै निकायले जिम्मेवार हुनुपर्नेमा जोड दिए ।
किशोर किशोरी तथा युवा पुस्ताहरुलाई लागु औषधसँग जोडिएका औषधीहरु जथाभावि दिन नहुने र दिनैपरे चिकित्सको प्रिस्किप्सन अनिवार्य हेर्नुपर्नेमा औषधी पसल सञ्चालकहरुलाई सचेत गराए ।
लागु औषध दुव्र्यसनीबाट युवाहरु फस्दै गएकाले सिमानाकामा पनि चेकजाँचमा कडाइ गरिनुपर्ने प्रमुख भट्टले बताए । सिमानाकाहरुमा औषधी ल्याएकाहरुलाई अनिवार्य प्रिस्किप्सन देखाउन लगाउनुपर्ने उनको भनाइ थियो ।
कार्यक्रममा जिल्ला अस्पताल बैतडीमा कार्यरत डाक्टर प्रवेश गजुरेलले लागु औषधसँग जोडिएका औषधीको बारेमा जानकारी गराउदै औषधीको प्रभावका विषयमा प्रशिक्षण गराएका थिए । जिल्ला प्रहरी कार्यालय बैतडीका प्रबक्ता प्रहरी निरिक्षक बलाराम पाण्डेले लागु औषध दुव्र्यसनी रोकथामको लागि अपनाउन सकिने उपायका बारेमा जानकारी गराएका थिए ।
यस कार्यक्रमबाट लागु औषधजन्य औषधीको प्रभाव र औषधी जथाभावी बिक्रि गर्ने प्रवृतिमा कमी आउने विश्वास गरिएको स्वास्थ्य कार्यालय बैतडीका खोप सुपरभाइजर हरिश भट्टले बताए ।