हातपात गर्ने माथी कारवाहीको माग गर्दै प्रेस विज्ञप्ती जारि

प्रदेश समाचार

Home
प्रदेश समाचार
हातपात गर्ने माथी कारवाहीको माग गर्दै प्रेस विज्ञप्ती जारि

हातपात गर्ने माथी कारवाहीको माग गर्दै प्रेस विज्ञप्ती जारि

बैतडी :
नेकपा एमाले मेलौली नगर कमिटीले हातपात गर्ने माथी कार्वाहीको माग गर्दै प्रेस विज्ञप्ती जारी गरेको छ । मेलौली नगरपालिका–०२ का पूर्व वडा अध्यक्ष महेन्द्र बहादुर चन्द र मेलौली नगरपालिकाको जिन्सी शाखामा कार्यरत चक्रमणी जोशीमाथी भएको हातपातको घटनाका दोसिलाई कार्वाहीको माग गर्दै नेकपा एमालेले विज्ञप्ती जारि रहेको हो ।

मेलौली नगरपालिका–०२ का पूर्व वडा अध्यक्ष चन्दलाई नगर प्रमुख भिम बहादुर चन्दको निवासमा नगर खेलकुद विकास समिति अध्यक्ष सागर भण्डारीले गालि बेइज्जती तथा हातपात गरेको आरोप लागेको छ ।

यसैगरी मेलौली–०९ का वडा अध्यक्ष लोकराज भट्टले नगरपालिकाको जिन्सी शाखामा कार्यरत चक्रमणी जोशीलाई कुटपिट गरेको भन्दै घटनाका दोसिलाई कार्वाहीको माग गरिएको छ ।
नेकपा एमाले मेलौली नगर कमिटी अध्यक्ष भिम दत्त भट्टले विज्ञप्ती जारी गर्दै दुईटै घटनाको निष्पक्ष छानविन गरि दोसिलाई कार्वाहीको माग गरेका छन् ।

आर्थिक बर्षको अन्तीम महिनामा कर्मचारीहरु व्यस्त रहेका बेला भौतिक र मानसिक रुपमा निकै व्यस्त भएकाबेला काममा हौशला प्रदान गर्नुको सट्टा हातपात गर्नु दुखद भएको एमाले प्रदेश कमिटि सदस्य तथा नगर इन्चार्ज बलभद्र दयालले बताए ।

यता वडाअध्यक्ष लोकराज भट्टले भने आफुले कर्मचारी माथी हातपात नगरेको भन्दै विज्ञप्ती जारी गरेकाछन् । वडाको बजेट सिफारिस बिनै खर्च गरिएको बिषयमा सोधपुछ गर्दा आन्दोलित भएको बताएकाछन् ।

प्रकाशित मिति: शुक्रबार, असार १४, २०८१ १६:०४

प्रतिक्रिया दिनुहोस्