मेलौली–२मा वन अतिक्रमण गरी बनाइएका संरचना हटाइयो

प्रदेश समाचार

Home
प्रदेश समाचार
मेलौली–२मा वन अतिक्रमण गरी बनाइएका संरचना हटाइयो

मेलौली–२मा वन अतिक्रमण गरी बनाइएका संरचना हटाइयो

बैतडी,
बैतडीमा सार्वजनिक जमिन अतिक्रमित गरी बनाइएका संरचना हटाइएको छ । मेलौली नगरपालिका–२ को श्री कृष्ण सामुदायिक वन अतिक्रमण गरी बनाइएको घर टहरा भत्काइएको हो । स्थानीय राम ओडले निर्माण दुईतले घर भत्काइएको हो ।
शनिबार प्रमुख जिल्ला अधिकारी भिमकान्त शर्माको नेतृत्वमा खटिएको टोलीले वन अतिक्रमण गरी बनाइएको एक घर भत्काएको थियो, भने अन्य अतिक्रमित जमिन सामुदायिक वनमा रहने उल्लेख गरेको छ । उक्त क्षेत्रमा स्थानीयहरुले करिब २५ रोपनी जमिन अतिक्रमण गरेको बताइएको थियो । सो क्षेत्र सबै खाली गरिएको हो ।
प्रमुख जिल्ला अधिकारी शर्मा, जिल्ला प्रहरी कार्यालय बैतडीका प्रमुख प्रहरी नायव उपरिक्षक दिपक गिरी, सशस्त्र प्रहरी बल ५१ नं गुल्मका प्रमुख, सशस्त्र प्रहरी नायव उपरिक्षक कृष्ण सिंह पुजारा, राष्ट्रिय अनुसन्धान कार्यालयका प्रमुख अनुसन्धान अधिकृत डिगम्वर गिरी, डिभिजन वन कार्यालयका प्रमुख दिलिप कुमार यादव, वडा नं २ का वडा अध्यक्ष कउष्णदत्त भट्ट लगायतको टोलीले स्थलगत निरिक्षणसहित अवैध संरचना हटाएको हो ।
संरचना भत्काइएको ठाउँमा घेरबार निर्माण गरी वृक्षारोपण गरिने डिभिजन वन कार्यालयका प्रमुख यादवले बताए ।
यसैगरी सोही वडाको दुर्गा बेताल सामुदायिक वन पनि अतिक्रमणगरी अवैधानिक संरचना निर्माण गरेको पाइएको छ । लामो समयदेखि डिभिजन वन कार्यालय र अख्तियार दुरुपायोग अनुशन्धान आयोगमा समेत उजुरी पर्दै आएको छ । तर यस विषयमा पनि सम्बन्धित निकायले चासो दिनुपर्ने त्यहाका स्थानीयहरुको माग रहेको छ ।

प्रकाशित मिति: शनिबार, असार १५, २०८१ १०:२०

प्रतिक्रिया दिनुहोस्