सडकमाथिबाट खसेको पहिरोले खोड्पे बझाङ्–जोड्ने जयपृथ्वी राजमार्ग फेरी अवरुद्ध

प्रदेश समाचार

Home
प्रदेश समाचार
सडकमाथिबाट खसेको पहिरोले खोड्पे बझाङ्–जोड्ने जयपृथ्वी राजमार्ग फेरी अवरुद्ध

सडकमाथिबाट खसेको पहिरोले खोड्पे बझाङ्–जोड्ने जयपृथ्वी राजमार्ग फेरी अवरुद्ध

लगातारको वर्षाले खोड्पे बझाङ् जोड्ने जयपृथ्वी राजमार्ग फेरी अवरुद्ध भएको छ । बैतडीको पाटन नगरपालिका ९ को बिजयपुर भन्दा अगाडी सडकमाथीबाट खसेको पहिरोले राजमार्ग अवरुद्ध भएको जिल्ला प्रहरी कार्यालय बैतडीका प्रवक्ता प्रहरी निरीक्षक बलाराम पाण्डेले जानकारी दिए ।

बझाङ् भित्रीने र बाहीरीने सवारी साधन तथा यात्रुहरु अहिले बिचबाटोमा नै अलपत्र परेका छन् । धनगढीबाट फर्किदै गरेका बझाङको बित्थडचिर १ का महेन्द्र बोहराले सडक अवरुद्ध हुँदा बिचबाटोमै अपलपत्र परेको बताए । अवरुद्ध राजमार्ग खुलाउने प्रयास भैरहेको प्रहरीले जनाएको छ ।

यस्तै सुर्नया ६ ढोल्यमोडमा खसेको पहिरो सफा गरी एकतर्फि रुपमा सवारी साधन सञ्चालनमा आएको प्रहरी प्रवक्ता पाण्डेले जानकारी दिए ।

केहीदिन यताको लगातारको बर्षा जिल्लाका साखा सडकहरुपनि अवरुद्ध भएका छन् । देहीमाण्डौ पञ्चेश्वर सडकखण्ड पनि अवरुद्ध भएको उनले बताए । सेणा भन्ने ठाउँमा खसेको पहिरोले सडक अवरुद्ध भएको बताइएको छ ।

प्रकाशित मिति: आइतबार, असार २३, २०८१ ०८:३३

प्रतिक्रिया दिनुहोस्