कर्मचारीलाई धम्क्याएर भुक्तानी गर्न खोजिएको डिलासैनी कांग्रेसको आरोप, पालिकाद्वारा खण्डन

प्रदेश समाचार

Home
प्रदेश समाचार
कर्मचारीलाई धम्क्याएर भुक्तानी गर्न खोजिएको डिलासैनी कांग्रेसको आरोप, पालिकाद्वारा खण्डन

कर्मचारीलाई धम्क्याएर भुक्तानी गर्न खोजिएको डिलासैनी कांग्रेसको आरोप, पालिकाद्वारा खण्डन

बैतडी,
बैतडीको डिलाशैनी गाउँपालिकाका जनप्रतिनिधिले कर्मचारीलाई धम्क्याएर बील भु्क्तानी गर्न खोजिएको प्रति कांग्रेस डिलाशैनीले ध्यानाकर्षण भएको जनाएको छ।
मंगलबार कांग्रेस डिलाशैनीले एक प्रेस विज्ञप्ती जारी गर्दै गत सोमबार गाँउपालिकाको कार्यालयमा केही व्यक्तिको समूहले गरेको अराजक र अमर्यादित कार्यप्रति ध्यानाकर्षण भएको जनाएको हो ।
‘गाँउपालिका अध्यक्ष सन्तोषप्रसाद जोशीले नीति, नियम र आर्थिक अनुशासनविपरित गैरकानुनी ढङ्गले आफूखुसी गरेको खर्चको बीलभुक्तानी गराउन खोज्दा प्रमुख कार्यकारी अधिकृत र लेखा प्रमुखले अस्वीकार गरेपछि उँहाबाटै परिचालित व्यक्तिको जत्थाले कार्यालयको लेखा शाखामा वितण्डा मच्चाएर कार्यालयका कर्मचारीसँग प्रमुख प्रशासकीय अधिकृत गणेश सिंह बोहरा, सूचना प्रविधि अधिकृत नवीनबहादुर राना, लेखापाल नारदसिंह विष्ट र योजना शाखा प्रमुख प्रदिप राज भट्टसँग गेरेको दुर्व्यवहारको नेपाली काङ्ग्रेस घोर भत्सर्ना गर्दछ’, विज्ञप्तीमा उल्लेख गरिएको छ।
पालिका सभापति जयानन्द जोशी (जयराज)द्धारा हस्ताक्षरित विज्ञप्तीमा भनिएको छ, ‘जनप्रतिनिधिकै अगाडि कर्मचारीमाथि हातपात र गालिगलौच गर्ने र गराउने व्यक्तिहरु माथिकारवाहीको माग गर्दछौँ। साथै कार्यालयमा भुक्तानीका लागि पेस भएका गैरकानुनी बीलको छानवीन गरी गैरकानुनी रुपमा सरकारी ढुकुटीको दुरुपयोग गर्न खोज्ने तत्वलाई कडाभन्दा कडा कारवाहीको लागि जोडदार माग गर्दछौँ। यस्ता अराजक घटनालाई ढाकछोप गर्न खोजेमा डिलाशैनीका जनताले त्यसको प्रतिकार गर्ने र त्यसबाट उत्पन्न हुने विसम परिस्थितिको जिम्मेवारी स्वयं अध्यक्षले लिनु पर्ने चेतावनीसमेत दिन चाहन्छौँ।’
पालिकाका जनप्रतिनिधिहरुलाई लगाएको आरोप सरासर गलत रहेको पालिकाले दावी गरेको छ। समान्य असमजदारीलाई ठुला विषय बनाएको गाउँपालिका प्रबक्ता यज्ञ भट्टले बताए ।
‘कसैले दुव्र्यभार भएको छैन, सेवाग्राहीले पाउनुपर्ने सेवामा विषयमा केही असमजदारी भएको हो, कर्मचारीहरुलाई छोटो समयमा काम गर्नुपर्ने बोझ हुन्छ, सेवाग्राहीहरुलाई पनि छिटो सेवा लिने मनसाय हुन्छ, यही विषयमा सामान्य घटना भएको हो, यो ठुलो विषय हैन ।’ प्रबक्ता भट्टले भने ।
कुनैपनि अप्रिय काम गर्न कर्मचारीहरुलाई गर्ने गराउने काम कसैले पनि नगरेको प्रबक्ता भट्टले दावी गरे ।

प्रकाशित मिति: बिहीबार, असार २७, २०८१ १३:५५

प्रतिक्रिया दिनुहोस्