डुबानको समस्या समाधान गरिनेछ : मन्त्री विक

प्रदेश समाचार

Home
प्रदेश समाचार
डुबानको समस्या समाधान गरिनेछ : मन्त्री विक

डुबानको समस्या समाधान गरिनेछ : मन्त्री विक

धनगढी
सुदूरपश्चिम प्रदेशका शिक्षा,युवा तथा खेलकुद मन्त्री लक्ष्मी विकले बाढीबाट हुने डुबानको समस्याको दीर्घकालिन समाधानको लागि पहल गर्ने बताएकी छन् । बिहीबार कञ्चनपुरको पुनर्वास नगरपालिका–५ सिमरीमा बाढी प्रभावित क्षेत्रको अनुगमनको क्रममा उनले यस्तो बताएकी हुन् ।

उनले भनिन् ‘यस क्षेत्रमा पहिलेदेखि नै डुबानको समस्या रहँदै आएको छ । यसमा दीर्घकालिन योजना बनाएर अगाडि बढ्दा समस्या समाधान हुने हो । यसका लागि मैलै प्रदेश सरकारबाट गर्न सक्ने पहल गर्नेछु ।’ बाढीपीडितलाई क्षतिको आधारमा सहयोग गर्ने उनले बताइन् । उनले भनिन् ‘सरकार यस बिषयमा गभ्भीर छ । प्रत्येक जिल्लाबाट क्षतिको विरिण मागेका छौँ । कहाँ कति क्षति भएको छ । तथ्यांक आएपछि सरकारले के गर्न सक्छ । सक्दो सहयोग गर्न प्रदेश सरकार तयार छ ।’

सो क्षेत्रमा पर्ने केही दिन अगाडिको वर्षाका कारण दोदा नदीको बाढी गाउँमा पसेर सयौँ घरहरु डुवानमा परेका छन् । डुबानमा परेपछि अन्नपात लगायतका सामानहरु भिजेर काम नलाग्ने भएको स्थानीयले बताएका छन् ।

सोही क्रममा मन्त्री विकले केही दिन अगाडि बाढीमा डुबेर मृत्यु भएका सोही वडाको नयाँ कटानका सिर्जना बोगटी,लक्ष्मी बोगटी र आरती बोगटीका परिवारसँग भेटघाट गरेकी छन् । उनले भेटघाटको क्रममा मृतकप्रति श्रद्धाञ्जली व्यक्त गर्दै परिवारजनमा समवेदना व्यक्त गरिन् । मन्त्री विकले मृतकका परिवारलाई प्रदेश सरकारले प्रतिपरिवार एक लाख दिने गरि मन्त्रीपरिषद्बाट नीति गत निर्णय भएको बताइन् ।

मन्त्री विकले हालसालै प्रकाशीत एसइईको नतिजा सन्तोशजनक नआएको बिषयमा चासो व्यक्त गरेकी छन् । उनले यस प्रदेशका ९ओटै शिक्षा विकास तथा समन्वय इकाई प्रमुखहरु र सामाजिक विकास कार्यालयका प्रमुखहरु संग यहि असार ३० गते गहन छलफल गरि रणनिती तयार गरिने बताइन् । शिक्षाको गुणस्तर खस्कीनुमा देखिएका कमजोरीका सुक्ष्म ढंगबाट अध्ययन गरि समस्याको समाधान खोज्ने उनले बताइन् ।

प्रकाशित मिति: बिहीबार, असार २७, २०८१ २०:५८

प्रतिक्रिया दिनुहोस्