बैतडीको पाटन ८ र ९ का किसानहरुलाई हाते ट्याक्टर वितरण

प्रदेश समाचार

Home
प्रदेश समाचार
बैतडीको पाटन ८ र ९ का किसानहरुलाई हाते ट्याक्टर वितरण

बैतडीको पाटन ८ र ९ का किसानहरुलाई हाते ट्याक्टर वितरण

बैतडीको पाटन नगरपालिका ८ र ९ का किसानहरुलाई हाते ट्याक्टर वितरण गरिएको छ । कृषि ज्ञान केन्द्रको बृहत बिशेष कृषि उत्पादन कार्यक्रम अन्तर्गत आईतबार किसानहरुलाई ३४ ओेटा हाते ट्याक्टर वितरण गरिएको हो ।

कृषि समूहमा आवद्ध महिलाहरुको मागका आधारमा पाटन नगरपालिका ८ का २५ जना र वडा नम्बर ९ का ९ जना कृषकहरुलाई हाते ट्याक्टर वितरण गरिएको बृहत बिशेष कृषि उत्पादन कार्यक्रमका अध्यक्ष गगन सिंह बिष्टले जानकारी दिए । कृषि समूह र उनीहरुको मागका आधारमा हाते ट्याक्टर वितरण गरिएको उनले बताए ।

कृषि ज्ञान केन्द्रको ५० प्रतिशत अनुदानमा किसानहरुलाई हाते ट्याक्टर वितरण गरिएको हो । महिला कृषि समूहमा आवद्ध महिलाले अनुदानमा हाते ट्याक्टर प्राप्त गरेपछि कम समयमा धेरै काम गर्न सकिने बताएका छन् । गोरु पालिरहनु नपर्ने र कम जनशक्ति र समयमा धेरै काम गर्न सकिने भएकाले सहज हुने ओखेलेश्वर बहुउद्धेशिय महिला कृषि समूहका अध्यक्ष बिमला बिष्टले बताइन् ।

पछिल्लो समय जिल्लामा हाते ट्याक्टरको प्रयोग गर्ने किसानहरुको संख्या बढ्दै गएको छ । युवा जनशक्ति नहुँदा महिलाहरुले पनि खेतीपातिका काम गर्दा सहज हुने भएकाले हाते ट्याक्टर प्रयोग गर्ने किसानहरुको आर्कषण बढेको कृषि ज्ञान केन्द्र बैतडीका प्रमुख घनश्याम चौधरीले बताए । कम जनशक्तिले पनि थोरै समयमा धैरै काम गर्न सकिने र गोरु पाल्ने झनझट पनि नहुने भएकाले हाते ट्याक्टरको प्रयोग गर्ने किसानहरुको बढेको उनले जानकारी दिए ।

हाते ट्याक्टर प्रयोग गर्ने किसानहरुको संख्या बढेपनि वातावरण मैत्री भने नभएको बताइएको छ । उत्पादन र समयको खर्च घटाएपनि हाते ट्याक्टर चलाउने अनुभव नुहँदा दुर्घटनाको जोखीम हुने गरेको छ ।

प्रकाशित मिति: आइतबार, असार ३०, २०८१ १४:०१

प्रतिक्रिया दिनुहोस्