बैतडीको मेलौलीमा आँखा उपचार केन्द्र सञ्चालन

प्रदेश समाचार

Home
प्रदेश समाचार
बैतडीको मेलौलीमा आँखा उपचार केन्द्र सञ्चालन

बैतडीको मेलौलीमा आँखा उपचार केन्द्र सञ्चालन

बैतडीको मेलौलीमा आँखा उपचार केन्द्र सञ्चालनमा आएको छ । मेलौली नगरपालिका, नेपाल नेत्र ज्योति संघ गेटा आँखा अस्पताल र सेभा फाउण्डेसनको सहकार्यमा आँखा उपचार केन्द्र सञ्चालनमा आएको हो ।

आँखा उपचार केन्द्रको शुक्रबार उद्घाटन गर्दै नगरप्रमुख भीम बहादुर चन्द (भूकम्प) ले आँखाको उपचारका लागि बाहिर जानुपर्ने बाध्यता हटेको बताए । उपचार केन्द्र सञ्चालनमा आएसंगै अस्पतालको पहुँच बाहिर रहेको आँखाका बिरामीहरुलाई सहज हुने चन्दले जानकारी दिए ।

केशरपुर प्राथमिक स्वास्थ्य केन्द्रको पुरानो भवनबाट आँखा उपचार केन्द्र सञ्चालनमा आएको हो । नेत्र साहयक र साहयक कर्मचारी गरी दुई जना कर्मचारी रहने प्रमुख प्रशासकीय अधिकृत नारायण बहादुर चन्दले जानकारी दिए ।आँखा उपचार केन्द्रका लागि आवश्यक पर्ने कर्मचारी नगरपालिकाले भर्ना गरिसकेको उनले बताए ।

नगरपालिकाले कर्मचारी तथा कार्यालय सञ्चालनका लागि कोठाको व्यवस्थापन गर्ने र औषधी तथा उपकरणहरुको लागि नेपाल नेत्र संघ गेटा आँखा अस्पतालले सयुक्त रुपमा गर्ने मेलौली नगरपालिकाका स्वास्थ्य शाखा प्रमुख मोहन सिंह भाटले जानकारी दिए ।

यसअघि आँखा सम्बन्धीको सामान्य उपचारका लागि पनि पाटन, बैतडी, डडेल्धुरा तथा गेटा नै पुग्नुपर्ने बाध्यता रहेको थियो । उपचार केन्द्र सञ्चालनमा आएसंगै अस्पतालको पहुँच बाहिर रहेको आँखाका बिरामीहरुलाई सेवा लिन सहज हुने बताइएको छ ।

प्रकाशित मिति: शुक्रबार, साउन ४, २०८१ १५:४१

प्रतिक्रिया दिनुहोस्