पुष्पलाल स्मृति दिवसको अवसरमा बैतडीमा वृक्षारोपण गरियो

प्रदेश समाचार

Home
प्रदेश समाचार
पुष्पलाल स्मृति दिवसको अवसरमा बैतडीमा वृक्षारोपण गरियो

पुष्पलाल स्मृति दिवसको अवसरमा बैतडीमा वृक्षारोपण गरियो

बैतडी,
नेपाल कम्युनिस्ट पार्टीका संस्थापक महासचिव पुष्पलालको स्मृति दिवसको अवसरमा बैतडीमा वृक्षारोपण कार्यक्रम गरिएको छ । नेकपा एमाले पाटन नगरपालिकाको नगर कमिटी र एमाले निकट खेलकुद महासंघको सयुक्त आयोजनामा पाटन नगरपालिका–६को उदयदेव मन्दीर परिसरमा वृक्षारोपण कार्यक्रम गरिएको हो ।
वृक्षापोपण गरिएका बिरुवाहरुको संरक्षण गर्ने र आगामी दिनहरुमा अन्य सार्वजनिक स्थलहरुमा पनि विरुवा रोपणको कार्यक्रम गरिने खेलकुद महासंघ बैतडीका सचिव किरन चन्दले जानकारी दिए ।

नेपाल कम्युनिस्ट पार्टीका संस्थापक महासचिव पुष्पलालको ४६ औँ स्मृति दिवसको अवसरमा मन्दीर परिसरभित्र करिब अढाइसय बोटहरु रोपिएको एमालेका पाटन नगर कमिटी अध्यक्ष धर्मराज भट्टले जानकारी दिए । प्रदेश कमिटि सदस्य धर्मानन्द भट्टको प्रमुख आतिथ्यतामा वृक्षा रोपण कार्यक्रम गरिएको हो ।
नेपालमा कम्युनिस्ट स्थापनामा पुष्पलालले खेलेको भूमिकाका बारेमा चर्चा पनि गरिएको थियो । कम्युनिस्ट पार्टी स्थापनासँगै समाज रुपामन्त्रणका लागि पुष्पालले खेलेको भूमिका महत्वपूर्ण रहेको र जलवायु परिवर्तनले पर्यावरणमा परेको असर कम गर्ने उदेश्यस्वरुप वृक्षारोपाण कार्यक्रम गरिएको एमालेका जिल्ला कमिटि सचिवालय सदस्य एवं पाटन नगर इन्चार्ज देवेन्द्र कुवँरले जानकारी गराए ।
यस वृक्षारोपणख कार्यक्रममा पाटन क्रिकेट क्लबमा आवद्ध प्रतिनिधि र खेलाडीहरुले पनि सहयोग गरेको पाटन क्रिकेट क्लबका अध्यक्ष समेत रहेका किरन चन्दले बताए ।

विभिन्न जातका बोट बिरुवा रोपणले मन्दिर परिसर संरक्षरमा समेत सहयोग पुग्ने शिद्धनाथ उदयदेव मन्दीर समितिका उपाध्यक्ष चमन कुमार भण्डारीले बताए ।
पुष्पलालको ४६ औँ स्मृति दिवस विभिन्न कार्यक्रम आयोजना गरी देशभर मनाइएको छ ।
वृक्षारोपण कार्यक्रममा इलाका प्रहरी कार्यालय पाटनले सामुदायिक साजेदारी कार्यक्रम अन्तरगत सचेतनामुलक कार्यक्रम पनि गरेको थियो ।