बैतडीका जनकको शव जापानको अस्पतालमाः आर्थिक र प्रक्रियागत सहयोगको अपिल

प्रदेश समाचार

Home
प्रदेश समाचार
बैतडीका जनकको शव जापानको अस्पतालमाः आर्थिक र प्रक्रियागत सहयोगको अपिल

बैतडीका जनकको शव जापानको अस्पतालमाः आर्थिक र प्रक्रियागत सहयोगको अपिल

बैतडी
गत बैशाखमा अध्ययनसँगै रोजगारीको अवसर खोज्न जापान गएका पाटन नगरपालिका–३ का जनक प्रशाद अवस्थीको मंगलबार तलाउमा नुहाउने क्रममा डुबेर निधन भयो । अहिले उनको शव त्यहाको अस्पतालमा राखिएको छ ।
लाखौँ ऋण लिएर पढाईगरी रोजगारी समेत गरेर परिवारलाई सुख दिने ठूलो सपना बोकेका अवस्थीको निधन भएपछि परिवार तथा आफन्त विक्षिप्त बनेका छन् ।
अवस्थीको मृत्युले सबैलाई दुःखी तुल्याएको अवस्थामा शव व्यवस्थापन लगायतका विषयमा पनि निकै समस्या भएको छ । विद्यार्थी भिसामा जापान होमिएका अवस्थीको शव अहिले त्यहाको अस्पतालले दैनिक ठूलो धनराशी शुल्क लाग्नेगरी शव गृहमा राखेको छ । करिब ३५ हजार दैनिक शुल्क लिनेगरी अस्पतालले अवस्थीको शव राखेको छ ।
आर्थिक अभावसँगै अन्य प्रक्रियागत सवालमा त्यहा रहेका आफन्तलाई निकै समस्या भइरहेको बताइएको छ । केही विद्यार्थी सहकर्मी र आफन्तहरु अहिले अस्पताल परिसरमा भौतारिएका छन् ।
उनिहरुले त्यहास्थित गैह्र आवासीय नेपाली संघ लगायत सहयोगी निकायहरुसँग आवश्यक सहयोगको अपिल गरेका छन् ।
जोखिम बहन गर्ने किसिमको बिमाको समेत व्यवस्थान नभएपछि त्यहाको कलेजले पनि शुल्क मिनाहा गरी सहयोग गर्नुपर्ने आफन्तहरुको माग रहेको छ । त्यसका लागि नेपालस्थित राजदुतावास लगायत सरोकारवाला निकायसँग सहयोगको अपिल पनि गरिएको छ ।

प्रकाशित मिति: बुधबार, साउन ९, २०८१ १४:०३

प्रतिक्रिया दिनुहोस्