पाटनले फेरी लगायो कृषि उपजमा निकासी कर

प्रदेश समाचार

Home
प्रदेश समाचार
पाटनले फेरी लगायो कृषि उपजमा निकासी कर

पाटनले फेरी लगायो कृषि उपजमा निकासी कर

बैतडी,
बैतडीको पाटन नगरपालिकाले कृषिजन्य वस्तुमा पुनः निकासी कर लगाएको छ । गत वर्ष नै कृषिजन्य उपजमा निकासी कर नलाउने निर्णय गर्दै नगरसभाबाट समेत पारीत गरेको गरपालिकाले यस वर्ष पुनः कृषिजन्य वस्तुमा निकासी कर लगाएको हो । गत वर्ष किसान र व्यवसायीहरुले बिरोध जनाएपछि निकासी कर नलगाउने निर्णयमा पुगेको नगरपालिका यस वर्ष पुनः कर लगाउन थालेको हो । कृषि सहित ढुंगा, बालुवा गिट्टी, काठ तथा पशुजन्य वस्तुसहित ३० वटा बस्तुमा निकासी कर निर्धाण गरिसकेको छ ।
कृषिजन्य वस्तुमा सबै प्रकारका फलफूलमा एक रुपैया, मसलाजन्य वस्तु निर्यातमा दुई रुपैया, सबै प्रकारका तरकारीमा एक रुपैया र दलहन बाली निकासीमा डेढ रुपैया कर कायम गरेको छ ।

पाटन नगरपालिकाका नगर उपप्रमुख कमल सिंह बोहराले यो निकासी कर मात्रै रहेकाले किसानहरुलाई कुनै समस्या नहुने बताएका छन् । तरकारी व्यावसायी तथा बिचौलीयाहरुबाट मात्रै निकासी कर लगाएको उनले बताए । निकासी कर सबै ठाउँ लगाइने बताउदै उनले यो किसानका लागि नभई व्यावसायी र बिचौलीयाहरुका लागि मात्रै भएको उपप्रमुख बोहराको भनाइ छ । यो कर जोसुकै व्यापारी तथा बिचौलीयाले मात्रै तिर्ने उनको भनाइ छ ।

व्यासायीहरुले कर तिर्ने भएपनि किसानहरुबाट खरिद गर्दा करको लागि भन्दै मुल्य घटाएर खरिद गर्ने भएकाले यसको मार किसानहरुलाई नै पर्ने यहाँका सरोकारवला प्रतिनिधिहरुको भनाइ छ । विगतका वर्षहरुमा पनि विचौलीयाहरुले कृषि उपज खरिद गर्दा करको मुल्य घटनाएर किसानहरुबाट खरिद गर्ने गरेको यहाँका किसान हरुको भनाइ छ ।

यस वर्ष भने निकासी कर ठेक्का आह्वान गर्दा न्युनतम मुल्य ५ लाख कायम गरिएको थियो । यस वर्षको ठेक्का भने ८ लाख ७१ हजारमा सदर भएको छ । सो रकम नरपालिकाको राजश्वमा जम्मा हुने छ । विगतका वर्षहरुमा भने बढाबढबाट अढाइ लाख समेत कर संकलन हुने गरेको थिएन । यस वर्ष भने करको ठेक्कोको न्युनतम रकम समेत ह्वात्तै बढाएर ५ लाख कायम गरिएको थियो । बढाबढमा ८ लाख ७१ हजारमा सदर भएको छ ।

प्रकाशित मिति: बिहीबार, साउन १७, २०८१ १९:५२

प्रतिक्रिया दिनुहोस्