बैतडीको सुर्नया गाड विद्युत गृह पुनः बन्द

प्रदेश समाचार

Home
प्रदेश समाचार
बैतडीको सुर्नया गाड विद्युत गृह पुनः बन्द

बैतडीको सुर्नया गाड विद्युत गृह पुनः बन्द

बैतडी,
बैतडीको सुर्नया गाड विद्युत गृह पुनः बन्द भएको छ । गत माघदेखि विद्युत गृह सञ्चालनमा ल्याइएको भएपनि विद्युत सेवा पुनः बन्द भएको हो ।
२०७९ जेठ १४ गतेदेखि बन्द अवस्थामा रहेको सुर्नया गाड विद्युत गृह गत माघमा सञ्चालनमा ल्याइएको थियो । त्यसको केही महिनापछि पुनः बन्द भएको विद्युत वितरण केन्द्र पाटनले जनाएको छ । नहरमा पानीको मात्रा बढाएर तत्कालका लागि एक सय किलोवाटमा विद्युत उत्पदान सुचारु गरिएकोमा पुनः बन्द भएको विद्युत वितरण केन्द्र पाटन शाखाका प्रमुख केशव ऐरले जानकारी दिए ।
विद्युत गृह सञ्चानको लागि प्रयाप्त उपकरण देखि जनसक्तीको अभाव रहेको बुझिएको छ । पुराना उपकरण रहेको र बेलाबेला समस्या आउने गरेका कारण विद्युत गृह सञ्चालन समस्या हुने गरेको वितरण केन्द्र पाटनका प्रमुख ऐरले बताए ।
यो विद्युत गृह २ सय किलोवाड विद्युत विद्युत उत्पदान क्षमताको हो । गत २३ मंसिरमा नेपाल विद्युत प्राधिकरणको टोलीले आयोजनाको स्थलगत अनुगमन गरेको थियो ।
नियमित पानीको प्रवन्ध मिलाउनु पर्ने र केही थप उपकरणको प्रबन्ध गरेमा विद्युत उत्पदानमा नियमितता दिन सकिने अनुगमन समितिले बताएको थियो ।
सिचाई र विद्युत गृह सञ्चालनको लागि प्रयोग हुने नहरमा पानीको मात्रा पनि कम हुने गरेको छ ।

प्रकाशित मिति: शुक्रबार, साउन १८, २०८१ १८:०१

प्रतिक्रिया दिनुहोस्