बैतडीका रतोकी ६४ वर्षपछि फेला परेः भेटिने आस मारेका परिवारले कुशको शव बनाउने तयारीमा थिए!

प्रदेश समाचार

Home
प्रदेश समाचार
बैतडीका रतोकी ६४ वर्षपछि फेला परेः भेटिने आस मारेका परिवारले कुशको शव बनाउने तयारीमा थिए!

बैतडीका रतोकी ६४ वर्षपछि फेला परेः भेटिने आस मारेका परिवारले कुशको शव बनाउने तयारीमा थिए!

बैतडी,
बैतडीको पुर्चाैडी नगरपालिकाका–७का नरसिंह रतोकी ६४ वर्षपछि फेला परेका छन् । २००० सालमा जन्मिएका रतोकी १७ वर्षको उमेरमा भारतजान्छु भनी घरबाट गएका थिए । त्यसपछि हालसम्म फर्किएका थिएनन् । वडा नं ७ का वडा सदस्य गामी सिंह रतोकीका काका समेत रहेका रतोकी बिहिबार जिल्लाको मेलौली नगरपालिकामा बेवारीसे अवस्थामा फेला परेका हुन् । बेवारीसे अवस्थामा प्रहरीले फेला परेका रतोकीलाई शनिबार आफन्तहरुले घर लगेका छन् ।
घरका सदस्यहरुले नरसिंह घर फर्किनेमा विश्वस्त नरेहेको र एक्कासी मेलौलीमा प्रहीले बेवारीसे अवस्थामा भेटिएका भनिएका व्याक्तिको विवरण र तस्बिर हेर्दा पहिचान भएको वडा नं ७ का वडा अध्यक्ष धिरेन्द्र बहादुर बमले जानकारी दिए । नरसिंहका भतिजा गामी सिंह रतोकीले अन्तिम पटक भारतको पिथौरागढ लगायतका क्षेत्रमा खोज्ने र नभेटिएपछि कुशको शव बनाएर दाहासंस्कार गर्ने मनस्थिति बनाइसकेको वडा अध्यक्ष बमले बताए ।
‘१७ वर्षको उमेरमै घरबाट गएका हुन्, २०५९ मा केही दिनमात्रै घर रहे, छिट्टै गइहाले, त्यसपछि नरसिंहका भतिजाहरुले अन्तिम पटक भारतको पिथौरागढका केही ठाउँमा खोज्ने र नभेटिएपछि कुशकै भएपनि शव बनाएर दाहासंस्कार गर्ने तयारीमा थिए,’ वडा अध्यक्ष बमले रेडियो सेभेन स्टारसँग भने, ‘बिहिबार मेलौलीमा भेटिए, अब खुसीकासाथ घर लैजादैछौँ ।’
बिहिबार भेटिएका रतोकीको मानसिक अवस्था कमजोर भइसकेको छ । १७ वर्षको उमेरमा बिहे भएको भएपनि उनि बेपत्ता भएपछि श्रीमती पनि अन्तै गएकी बुझिएको छ ।
बेपत्ता रतोकीलाई ईलाका प्रहरी कार्यालय तस्वदेही मेलौलीको टोलीले वडा नं ५ सिरोडाको जङ्गलबाट उद्धार गरेको थियो ।

प्रकाशित मिति: शनिबार, साउन १९, २०८१ १०:५०

प्रतिक्रिया दिनुहोस्