क्यान्सर पिडित साउँदका दुःखः गरीखाने खेत अर्कैको जिम्मा, १० ऋण लगाएर निको भएन, सहयोग कतैबाट जुटेन

प्रदेश समाचार

Home
प्रदेश समाचार
क्यान्सर पिडित साउँदका दुःखः गरीखाने खेत अर्कैको जिम्मा, १० ऋण लगाएर निको भएन, सहयोग कतैबाट जुटेन

क्यान्सर पिडित साउँदका दुःखः गरीखाने खेत अर्कैको जिम्मा, १० ऋण लगाएर निको भएन, सहयोग कतैबाट जुटेन

बैतडी,
मजदुरी गरेर परिवार पाल्दै आएका बैतडीको सिगास गाउँपालिका–३ उराडीका रघुबीर साउँदको परिवारले दुई वर्षदेखि हरेक छाक पेटभरी खान पाएको छैन । नियमित मजदुरी गरेर परिवार पाल्दै आएका साउँदका दुवै खुट्टामा क्यान्सर भएपछि भएभरको कमाइ र थप १० लाख ऋण खोजेर उपचार गरेपनि अझै रोग निको भएको छैन ।
बाँया खुट्टामा गत वर्ष ३ पटक शल्यक्रियागरी औँलाहरु काटेर फालेका साउँदको दाँया खुट्टामा पनि क्यान्सर बल्झिएपछि कुरखुच्चामै काट्नुपर्ने अवस्था आएको छ ।
मजदुरी गरेर परिवार पाल्दै आएका साउँदले आफ्नो खेत समेत अरुकै जिम्मा लगाएका छन् । थप १० लाख ऋण लिएर उपचार गरेपनि अझै रोग निको भएको छैन । बाँया खुट्टामा तीन पटक शल्यक्रिया गरेका साउँदको दाँया खुट्टामा पनि तेश्रो पटक शल्यक्रिया गर्नुपर्ने अवस्था आएको छ । चिकित्सकहरुले ३ लाख रुपैया लाग्ने बताएपछि उनि उपचार गर्न नसकेर अलपत्र अवस्थामा छन् ।
‘चिकित्सकहरुले २ महिना अस्पतालमै बस्नुपर्ने र ३ लाख जती खर्च लाग्छ भनेका छन्, घर जान पनि सक्दिन, अस्पताल जान गाडी भाडा समेत पैसा छैन, कहाँ जाने?’ साउँदले भने । साउँद श्रीमती र छोरी सहित अहिले खोड्पेमा अलपत्र छन् ।
भुकम्पले भत्किएको घरमा उनको परीवार बस्दै आएको छ । ‘खेत पनि अरुकै जिम्मा लगाइसक्यौँ, उपचार गर्दागर्दै ऋण लिएको १० लाख पनि सकियो, अब केही छैन, २ वर्षदेखि परिवारले एक छाक पनि पेटभरी खाएका छैनौँ,’ साउँदकी श्रीमती बेलमतीले भनिन् ।

७ जनाको परिवार रहेको साउँदको परिवार क्यान्सर रोगबाट पिडित भएका छन् ।
गाउँपालिकाका प्रबक्ता समेत रहेका वडा नं ३ का वडा अध्यक्ष अमर सिंह धामीका अनुसार गाउँपालिकाबाट घर मर्मत खर्च र उपचार खर्च भनेर ५० हजार बढी सहयोग भएको छ । ‘हामिले कोरोना प्रभावित, घर मर्मत खर्च र उपचार खर्च शीर्षकमा सहयोग गरेका छौँ, आफ्नो तहबाट हुने सहयोग गरिएकै हो,’ वडा अध्यक्ष धामी भन्छन् ।
गाउँपालिकाबाट पाएको उक्त रकम पनि अस्पतालमै सकिएको क्यान्सर पिडित साउँद बताउछन् ।
वडा न. २ का स्थानीय एवं समाजसवी सुर्य बहादुर बोहरा केही समयअघि उपनको उपचार खर्च जुटाउन अभियान नै चलाएका थिए । गाउँपालिकाबाट भएको सहयोग जती सोही अभियानबाटै संकलन भएको थियो ।
उब्जनी हुने खेत अर्काको जिम्मा लगाएर करिब १० लाखजती ऋण लिएर उपचार खर्च अझै नपुग्दा साउँद जिवन र मरणको दोसाँधमा पुगेका छन् । साउँदले यही खुट्टाको शल्यक्रियाको लागि रकम संकलन भएपनि चित्त बुझाउने अवस्थामा पुगेका छन् । राज्यस्तर र निजिस्तरबाट साउँदले सहयोगको आग्रह समेत गरेका छन् ।

प्रकाशित मिति: शनिबार, साउन १९, २०८१ १२:२७

प्रतिक्रिया दिनुहोस्