पाटनले कृषि उपज निकासीमा लगाएको करमाथि पुनरबिचार गर्न माग,संघर्ष समिति गठन

प्रदेश समाचार

Home
प्रदेश समाचार
पाटनले कृषि उपज निकासीमा लगाएको करमाथि पुनरबिचार गर्न माग,संघर्ष समिति गठन

पाटनले कृषि उपज निकासीमा लगाएको करमाथि पुनरबिचार गर्न माग,संघर्ष समिति गठन

बैतडी,
बैतडीको पाटन नगरपालिकाले कृषि उपज निकासीमा लगाएको करमाथि पुनरविचारको माग गर्दै संघर्ष समिति गठन गरिएको छ । आइतबार वडा नं ८ को कार्यालयमा भेला भएका वडा नं ८, ९ र १० का कृषक तथा व्यापारीहरुबीच भएको भेलाबाट संघर्ष समिति गठन गरिएको छ ।
स्थनीय किसान नर बहादुर बिष्टको संयोजकत्वमा संघर्ष समिति गठन गरिएको हो । संघर्ष समितिले पाटन नगरपालिकाले हालै कार्यान्वयन गरेको कृषि उपज निकासीमा लगाएको कर निर्धारणको निर्णयमाथि पुनरबिचारको माग गरेको छ । मुख्यतया तरकारी, फलफूल, दलहन र मसलाजन्य वस्तु निकासीमा लगाएको करको विषयमा पुनरबिचार गरिनुपर्ने माग छ ।
कृषि उपज निकासीमा लगाएको करबाट किसानहरुलाई नै असर परेको भन्दै पुनरबिचारको माग गरिएको छ । कर लिने यस निर्णयबाट सोझै किसानहरुलाई नै नोक्सनी हुने भन्दै पुनरबिचार गरिनुपर्ने नवगठित संघर्ष समितिका सदस्य अर्जुन बिष्टले बताए । हालसम्म कुनै पनि स्थानीय तहहरुले निकासी कर र आयात कर नलगाएको समेत उनले दावी गरे ।
यस कर प्रर्णालीबाट वडा नं ८, ९ र १० बढी प्रभावित भएको संघर्ष समितिका पदाधिकारीहरुको भनाइ छ । कृषि पकेट क्षेत्रको रुपमा रहेको यस क्षेत्रमा कृषि प्राविधिकको व्यवस्था समेत नहुदा किसानहरु मारमा पर्ने गरेको संघर्ष समितिका अर्का सदस्य भरत बहादुर चन्दले बताए । तरकारी तथा फलफूल निकासीमा कुनै ठाउँमा कर लिने नगरिएको समेत उनले दावी गरे । कैलालीको गोदावरी नगरपालिकाले फोहोर व्यवस्थापनको नाममा न्युन मात्रामा कर लिइरहेको समेत उनले बवगत गराए । तर आयात र निर्यातको नाममा तरकारी र फलफूलमा कर नलिएको उनले दावी गरे ।
तरकारी तथा फलफूलमा कर निर्धारण गरेको अवस्थामा बजारीकरणमा पनि प्रभाव पर्ने किसानहरुको भनाइ रहेको छ । व्यापारीहरुले यहाँको पालिकाल कर लगाएको भन्दै किसानहरुबाट खरिद गर्न नमान्ने गरेको अर्का किसान मदनराज भट्टले बताए ।
वडा नं ८,९र १० कृषिका लागि पकेट क्षेत्र भएकाले यहाँ कृषि प्राविधिकको अनिवार्य व्यवस्था हुनेपर्ने अर्का स्थानीय केशव बिष्टले बताए । प्राविधिक ज्ञानलाई बढाएर किसानहरुलाई फाइदा हुने कार्य गर्नुपर्ने उनको भनाइ छ ।
आइतबार गठन गरिएको संघर्ष समितिले चरणवद्धरुपमा कार्यक्रम गर्ने जनाएको छ । सुरुमा पाटन नगरपालिकालाई कर लिने निर्णयको पुनरबिचारको माग गर्दै ध्यानाकार्षण सहितको आग्रह गर्ने र निर्णयमा पुनरबिचार नभएको अवस्थामा थप संघर्षका कार्यक्रम अघि सार्ने संघर्ष समितिका संयोजक नर बहादुर बिष्टले बताए ।
पाटन नगरपालिकाका नगर उपप्रमु एवं राजस्व परामर्श स्मितिका संयोजक कमल सिंह बोहराले यो कर किसानका लागि नभई व्यापारीहरुका लागी मात्रै भएको स्पष्ट पारेका छन् । यसको असर किसानहरुमा परेको अवस्थामा आवश्यक कार्य गर्न सकिने बताउदै उपप्रमुख बोहराले यो विसुद्धरुपमा व्यापारीहरुका लागि भएको दोहो¥याए । ‘कृषि उपजमा मात्रै हैन, यहाँका धेरै स्थानीयहका अन्य विषय पनि होलान, काठमा कर लगाएका छौँ, गिट्टी बालुवामा लगाएका छौँ, त्यसमा पनि यहाँका स्थानीयहरुको लगानी छ, यो भन्दैमा सबै ठाउँको कर हटाइदेऊ भनेपछि कसरी होला?’ उपप्रमुख बोहराले भने । नगरपालिकाले नियम तथा कार्यविधि अनुसार नै काम गरेको उनले बताए ।
पाटन नगरपालिकाले कृषि उपजसहित करिब ३० प्रकारका बस्तु निकासीमा कर निर्धाणरण गरेको छ । नगरपालिकाले कृषि उपजमा लगाएको कर प्रणालीले किसानहरुलाई नभई व्यापारीहरुलाई लक्षित गरिएको जनाएको छ । तर किसान तथा व्यापारीहरुले यस कर प्रर्णालीबाट प्रत्यक्ष वा अप्रत्यक्षरुपमा किसानहरुलाई नै मार पर्ने बताइरहेका छन् ।