बैतडीको मेलौली–३मा चितुवाको त्रास, सरोकारवाला भन्छन्ःनियन्त्रण गरिन्न, सजग रहनुस्

प्रदेश समाचार

Home
प्रदेश समाचार
बैतडीको मेलौली–३मा चितुवाको त्रास, सरोकारवाला भन्छन्ःनियन्त्रण गरिन्न, सजग रहनुस्

बैतडीको मेलौली–३मा चितुवाको त्रास, सरोकारवाला भन्छन्ःनियन्त्रण गरिन्न, सजग रहनुस्

बैतडी,
बैतडीको मेलौली नगरपालिकामा दिनदहाडौ चितुवा देखिन थालेपछि स्थानीय त्रसित बनेका छन् । मेलौली नगरपालिका–३ का केही टोलहरुमा दिनदाहाडै चितुवा देखिने गरेको शिक्षक समेत रहेका स्थानीय दिपक ठगुन्नाले जानकारी दिए ।
करिब एक हप्तादेखि चितुवा गाउँमा ओहोरदोहोर गरिरहेकाले स्थानीयहरु त्रसित बनेका स्थानीय एवं शिक्षक राजेन्द्र ठगुन्नाले बताए । कुनै घटना घटेपछि मात्रै चासो राख्नुभन्दा घटना हुनुपूर्व नै सरोकारवालाले चासो दिनुपर्ने उनको भनाइ छ ।
मेलौली ३ को मलेना र स्याल्तडी लगायतका क्षेत्रमा चितुवा ओहोरदोहोर गरिरहेको उनले बताए ।
मेलौली नगरपालिकाका नगर प्रमुख भिम बहादुर चन्दले सजग रहन स्थानीयहरुलाई आग्रह गरिएको बताए । डिभिजन वन र सव डिभिजन वन कार्यालयसँग पनि चितुवाद्धारा हुने घटना नियन्त्रणका लागि अपनाउन सकिने सावधानीका विषयमा पनि छलफल भइरहेको नगर प्रमुख चन्दले बताए ।
मेलौली सव डिभिजन वन कार्यालयका वन रक्षक प्रशान्त ओझाले उक्त चितुवा गर्भवती रहेकाले यसले खासै आक्रमण नगर्ने बताए ।
महाकाली किनारका बस्तीबाट बच्च जन्माउनकै लागि माथिल्लो भेगमा आएको उनले बताए । बस्तीसम्मै प्रवेश नगरेको उनको भनाइ छ ।
चितुवा गर्भवति रहेको र बच्चा जन्माउनको लागि माथिल्लो भागमा आएको वन कार्यालयको भनाइ छ । चितुवाले बच्चा जन्माएर केही समय सोही क्षेत्रमा रहन सक्ने आँकलन गरिएको छ।
चितुवाले हालका लागि आफै आक्रमण नगर्ने र जम्काभेट भएको अवस्थामा आक्रमण गर्नसक्ने भएकाले सजग रहन आग्रह गरिएको छ । साँझा बिहान बालबालिकाहरुलाई बाहिरफेर खेल्न नदिने, रातीको समयमा समुह बनाएर बाहिर हिड्ने, बालबालिकाहरुलाई एक्लै नछोड्ने, घरमा रातीको समयमा बत्ती बालीराख्ने, घर वरपरका झाडीहरु फडानी गर्न सब डिभिजन वन कार्यालयले आग्रह गरेको छ ।
जिल्ला प्रहरी कार्यालयले पनि यस विषयमा निगरानी राखिने जनाएको छ । सम्बद्ध निकाय र त्यहाको प्रहरी चौकीहरुमा पनि यस विषयमा जानकारी गराई सजगताका लागि सहयोग गर्न भनिएको जिल्ला प्रहरी कार्यालय बैतडीका प्रमुख, प्रहरी नायव उपरिक्षक दिपक गिरीले जानकारी दिए ।
जिल्लाको तल्लो स्वराड चितुवा प्रभावित क्षेत्र हो । यहाँका करिब दुई दर्जन नागरिकले चितुवाको आक्रमणबाट ज्यान गुमाइसकेका छन् । ३ दर्जनबढी घाइते अवस्थामा छन् । चितुवाको गतिबिधी बढीरहदा सरोकारवाला निकायले हलुकारुपमा लिइरहेका छन् ।