पाटन–१०का स्वास्थ्यकर्मी सरूवा गर्ने निर्णयप्रति एमालेको ध्यानाकर्षण,सरोकारवालाले उपयुक्त कदम चाल्न आग्रह

प्रदेश समाचार

Home
प्रदेश समाचार
पाटन–१०का स्वास्थ्यकर्मी सरूवा गर्ने निर्णयप्रति एमालेको ध्यानाकर्षण,सरोकारवालाले उपयुक्त कदम चाल्न आग्रह

पाटन–१०का स्वास्थ्यकर्मी सरूवा गर्ने निर्णयप्रति एमालेको ध्यानाकर्षण,सरोकारवालाले उपयुक्त कदम चाल्न आग्रह

बैतडी,
नेकपा एमालेको पाटन नगर कमिटिले पाटन नगरपालिका–१० को स्वास्थ्य व्यवस्थापन समितिले गरेको निर्णयप्रति ध्यानाकर्षण भएको जनाएको छ । वडा नं १० को स्वास्थ्य चौकी व्यवस्थापन समितिले सिद्धपुर स्वास्थ्य चौकीका सबै कर्मचारीहरुलाई सरुवा गर्ने निर्णयगरी नगरपालिकामा पत्र पठाएको छ । उक्त निर्णयप्रति एमाले नगरकमिटिले ध्यानाकर्षण भएको र यस प्रकारका निर्णयहरुले नागरिकको सेवा प्रवाहमा समेत असहज सिर्जना हुन पुगेको ठहर गर्दै सम्बन्धित निकायले उपयुक्त कदम चाल्नलुपर्ने जनाइएको छ ।
एमाले नगर कमिटि अध्यक्ष धर्मराज भट्टद्वारा हस्ताक्षरीत विज्ञप्तीमा सिद्धपुर स्वास्थ्य चौकीमा सुत्केरीका लागि आएकी महिलाले सेवा नपाई डडेल्धुरा लैजानुपर्ने बाध्यता आएको र तत्पश्चात स्वास्थ्य व्यवस्थापन समितिले सबै कर्मचारीहरुलाई सरुवा गर्ने निर्णय गरिएको घटनाप्रति ध्यानाकर्षण भएको उल्लेख गरिएको छ ।
यस्ता घटनापश्चात आम नागपरिकहरुले बिभिन्न ठाउँबाट टिकाटिप्पणी समेत गरिरहेको अवस्थामा यसले शिक्षा र स्वास्थ्यका सेवामा असर परेको समेत विज्ञप्तीमा उल्लेख गरिएको छ ।
यस विषयमा सरोकारवाला निकायले चासो दिनुपर्ने समेत बताइएको छ ।

प्रकाशित मिति: सोमबार, भदौ ३, २०८१ १०:४७

प्रतिक्रिया दिनुहोस्