बैतडीको पाटन बजारमा अनुगमन,४८ हजार मुल्यको अखाद्य वस्तु नष्ट

प्रदेश समाचार

Home
प्रदेश समाचार
बैतडीको पाटन बजारमा अनुगमन,४८ हजार मुल्यको अखाद्य वस्तु नष्ट

बैतडीको पाटन बजारमा अनुगमन,४८ हजार मुल्यको अखाद्य वस्तु नष्ट

बैतडी,
बैतडीको पाटन नगरपापिलका–६ स्थित पाटन बजारमा आज अनुगमन गरिएको छ । पाटन नगरपालिका, खाद्य प्रविधि तथा गुण नियन्त्रण डिभिजन कार्यालय, जिल्ला प्रशासन कार्यालय, घरेलु तथा साना उद्योग कार्यालय र इलाका प्रहरी कार्यालय पाटनको सयुक्त टोलीले बजार अगनुगमन गरेको हो । पाटन बजारको किराना पसलहरु, होटल तथा मदिरा पसलमा अनुगमन गरिएको थियो । अनुगमनका क्रममा ४८ हजार मुल्य बराबरका अखाद्य वस्तुहरु फेला पारी नष्ट गरिएको खाद्य प्रविधि तथा गुण नियन्त्रण कार्यालय बैतडीका प्रमुख ललित कठायतले जानकारी दिए ।
बजार क्षेत्रका अधिकांश होटलहरुमा अखाद्य पदार्थहरु खुवाउने गरेका पाइएको छ । पाटन नगरपालिकाका उपप्रमुख कमल सिंह बोहराको नेतृत्वमा अनुगमन गरिएको थियो ।
केही किरानाका खाद्य सामाग्री, पेय पदार्थ, माछा, मासुलगायतका खानेकुराहरु अखाद्य भटिएको बताइएको छ।
पाटन बजारका होटलहरुमा फोहोर व्यवस्थापनमा चरम लापरवाही हुने गरेको अनुगमन समिति संयोजक एवं पाटन नगरपालिकाका उपप्रमुख कमल सिंह बोहराले बताए । पाटन बजारका होटल व्यावसायीहरुलाई होटलहरुमा अनिवार्य पानी फिल्टरको व्यवस्था गर्न र स्वच्छ तथा गुणस्तरीय खानेकुराको व्यवस्था गर्न पनि निर्देशन दिइएको उनले बताए । पाटन नगरपालिकाका अन्य बजार क्षेत्रमा पनि अनुगमन गरिने उपप्रमुख बोहराले बताए ।
यसैगरी कुनै पनि पसलबाट सामान खरिद गर्दा अखाद्य भेटिएमा वा म्याद नाघेको बस्तुहरु भेटिएमा तुरन्त नगरपालिकामा जानकारी गराउन समेत उनले आग्रह गरे ।

प्रकाशित मिति: मंगलबार, भदौ ४, २०८१ १७:४६

प्रतिक्रिया दिनुहोस्