खोडपे लिफ्ट खानेपानी योजना मर्मतको माग गर्दै मुख्यमन्त्री शाह समक्ष मागपत्र पेश

प्रदेश समाचार

Home
प्रदेश समाचार
खोडपे लिफ्ट खानेपानी योजना मर्मतको माग गर्दै मुख्यमन्त्री शाह समक्ष मागपत्र पेश

खोडपे लिफ्ट खानेपानी योजना मर्मतको माग गर्दै मुख्यमन्त्री शाह समक्ष मागपत्र पेश

बैतडी,
बैतडीको पाटन नगरपालिका–८ खोडपेको लिफ्ट खानेपानी योजना मर्मतको माग गर्दै सुदूरपश्चिमका मुख्यमन्त्री कमल बहादुर शाहलाई मागपत्र पेश गरिएको छ । सिद्धेस्वर खोड्पे खानेपानी तथा सरसफाई उपभोक्ता समितिका अध्यक्ष मोहन सिंह बिष्टको हस्ताक्षरित मागपत्र मुख्यमन्त्री शाहसमक्ष पेश गरिएको हो ।

बैतडीबाट निर्वाचित प्रदेशसभा सदस्य शिवराज भट्ट, खानेपानी उपभोक्ता समतिकिा सचिव दिवान सिंह बिष्ट, खोडपे बजारका व्यावसायी एवं ज्ञानेश्वर नमुना माविका शिक्षक कृष्ण सिंह बिष्ट र निवर्तमान बजार व्यवस्थापन समितिका कोषाध्यक्ष बिर बहादुर महराले मुख्यमन्त्री शाहको कार्यकक्षमै भेट गर्दै उक्त मागपत्र पेश गरेका हुन् ।

मागपत्र बुझ्दै मुख्यमन्त्री शाहले यस खोडपे खानपानी योजना मर्मतको लागि आवश्यक बजेट बिनियोजन गर्ने प्रतिबद्धता व्यक्त गर्नुभएको निवर्तमान बजार व्यवस्थापन समितिका कोषाध्यक्ष बिर बहादुर महराले जानकारी दिए ।
यसअघि पनि मुख्यमन्त्री शाहलाई खानेपानी योजना मर्मतको माग गर्दै ज्ञापन पत्र पेश गरिएको थियो ।

प्रकाशित मिति: बिहीबार, भदौ ६, २०८१ १८:१४

प्रतिक्रिया दिनुहोस्