बैतडीको खोड्पेमा देउडा प्रतियोगिता भाद्र २७ गतेदेखि हुने

प्रदेश समाचार

Home
प्रदेश समाचार
बैतडीको खोड्पेमा देउडा प्रतियोगिता भाद्र २७ गतेदेखि हुने

बैतडीको खोड्पेमा देउडा प्रतियोगिता भाद्र २७ गतेदेखि हुने

बैतडी,
बैतडीको पाटन नगरपालिका–८ खोडपेमा यस वर्ष पनि देउडा प्रतियोगिताको आयोजना गरिने भएको छ । बजार व्यवस्थापन समिति र वडा कार्यालयको सहकार्यमा देउडा प्रतियोगिताको आयोजना गरिन लागिएको हो ।
यही भाद्र २७,२८ र २९ गते हुने देउडा प्रतियोगितामा सहभागिता जनाउने देउडिया कलाकारहरुले भाद्र २६ गते साँझ ५ बजेसम्म नाम दर्ता गरिसक्नुपर्ने छ । देउडिया कलाकारहरुका लागि दर्ता शुल्क रु ५ सय कायम गरिएको छ ।
यस वर्षको देउडा प्रतियोगिता फरक स्वरुपमा गरिने भएको छ । सरकोकारवाला सबै पक्ष र देउडिया कलाकारहरुसँग छलफल गरी फरक स्वरुपमा देउडा प्रतियोगिाको आयोजना गरिन लागिएको हो ।
देउडा प्रतियोगिता महिला पुरुष सयुक्त हुने छ ।
पाटन नगरपालिका ८, ९ र १० भन्दा बाहिरका देउडिया कलाकारहरुका लागि आउन जानभाडासहित खान बस्नको व्यवस्था निशुल्क गरिने छ ।
पुरस्कार वितरणमा पनि प्रस्तुतीका आधारमा वितरण गर्ने कार्यतालिका रहेको छ ।
सबै देउडिया कलाकारहरुलाई प्रस्तुतीका आधारमा नगदसहित सम्मानको व्यवस्था मिलाइएको आयोजकले जनाएको छ ।
देउडिया कलाकारहरुले नाम दर्ताको लागि बजार व्यवस्थापन समितिका अध्यक्ष राम बिष्ट(९८६५५३०६४६), बरिष्ट उपाध्यक्ष मोहन बिष्ट, (९८५८७५१२२२)लाई सम्पर्क गर्न सक्नेछन् । नाम दर्ता फोन मार्फत पनि हुने छ ।
रीति संस्कृतिको संरक्षणमा टेवा पु¥याउने उदेश्यले प्रतियोगिताको आयोजना गरिन लागिएको खोडपे बजार व्यवस्थापन समितिका बरिष्ट उपाध्यक्ष मोहन सिंह बिष्टले बताए ।
खोडपेमा देउडा प्रतियोगिता निरन्तर गरिदै आएको र यसवर्ष पनि थप परिस्कृत गरी देउडा प्रतियोगिताको आयोजना गरिन लागिएको वडा नं ८ का वडा अध्यक्ष हरिश बिष्टले बताए । सबैपक्षसँग समन्वय गरी सहज ढंगले प्रतियोगिता गरिने उनले बताए ।