आज खोड्पेमा देउडा कार्यक्रम समापन गरिदै,साँझ सामूहिकरुपमा बुढी पोल्ने पर्व पनि मनाइने

प्रदेश समाचार

Home
प्रदेश समाचार
आज खोड्पेमा देउडा कार्यक्रम समापन गरिदै,साँझ सामूहिकरुपमा बुढी पोल्ने पर्व पनि मनाइने

आज खोड्पेमा देउडा कार्यक्रम समापन गरिदै,साँझ सामूहिकरुपमा बुढी पोल्ने पर्व पनि मनाइने

बैतडी,
बैतडीको खोडपेमा लागेको देउडा कार्यक्रम आज समापन हुदैछ । एक औपचारिक कार्यक्रमकाबीच देउडा कार्यक्रमको आयोजना गरिन लागिएको हो ।
आइतबारदेखि सुरु भएको यस देउडा कार्यक्रममा करिब दुई दर्जन देउडीय कालाकारहरुले सहभागिता जनाएका थिए । प्रथम द्धितीय नभनी सबै कलाकारहरुको सम्मान गर्ने कार्यक्रम रहेको आयोजक खोडपे बजार व्यवस्थापन समितिका बरिष्ट उपाध्यक्ष मोहन सिंह बिष्टले जानकारी दिए ।
देउडा कार्यक्रमको समापनसँगै आज साँझ बुढी पोल्न पर्वलाई प्नि सामुहिक रुपमा मनाउने तयारी भइरहेको वडा नं ८ का वडा अध्यक्ष हरिश बिष्टले जानकारी दिए । संस्कृतिको संरक्षणमा सबैको समान सहभागिता गराउने उद्देश्यले बुढी पोल्ने पर्वलाई पनि सामुहिक रुपमा मनाउने तयारी भइरहेको वडा अध्यक्ष बिष्टले बताए ।

सुदूरपश्चिममा हरेक वर्ष असोज संक्रान्ति अर्थात आजका दिन बुढी पोल्ने पर्व मनाइँदै छ । प्रत्येक वर्ष असोज संक्रान्तिका दिन राक्षस पुतनालाई भगवान् श्रीकृष्णले मारेको सम्झनामा यो पर्व मनाइन्छ । भाद्र संक्रान्तिका दिनमा ठड्याइएको लिंगो अर्थात् बुढीलाई आज पोलेर बन्ढुनी पर्व अर्थात् बुढी पोल्ने दिनका रूपमा मनाइन्छ ।
यस पर्वमा गाईवस्तुको हेरचाह गर्ने गोठला तथा स्थानीयहरूले भाद्र संक्रान्ति अर्थात् ओल्के पर्वको दिन सल्ला, बाँझको लिंगो ठड्याई रूखहरू, रूखका हाँगाहरू काटेर एकै ठाउँमा थुपारेर बनाएको बुढीलाई जलाउने चलन रहेको छ ।

द्वापर युगमा राक्षस पुतनाले राजा कंशको आदेशमा भगवान् श्रीकृष्णलाई दूधको रूपमा विष खुवाएर मार्न लगाएको थियो । भगवान् श्रीकृष्णले थाहा पाएर उल्टै राक्षसी पुतनाको रगत चुसी मारेको खुसियालीमा यो पर्व मनाउने धार्मिक विश्वास रहेको छ ।

आज गाईवस्तुहरूको गोबर थुपार्ने ठाउँमा काँस, अम्रिसोलगायत पाँच जातको घाँसले बेरेको राँको बनाएर राख्ने गर्दछन् र बेलुकीपख जलाउने चलन रहेको छ । दोबाटोमा जलाएको पुतना राक्षसको आकृतिबाट जलेको खरानीको तिलक गाईलाई लगाउने चलनसमेत रहेको छ । यसो गर्दा गोठमा पालिने जनावरलाई कुनै रोग नलाग्ने धार्मिक विश्वास रहेको छ ।

प्रकाशित मिति: मंगलबार, असोज १, २०८१ १०:४५

प्रतिक्रिया दिनुहोस्