खोड्पेमा आयोजना गरिएको देउडा कार्यक्रमको औपचारिक समापन,सहयोगीहरुलाई सम्मान

प्रदेश समाचार

Home
प्रदेश समाचार
खोड्पेमा आयोजना गरिएको देउडा कार्यक्रमको औपचारिक समापन,सहयोगीहरुलाई सम्मान

खोड्पेमा आयोजना गरिएको देउडा कार्यक्रमको औपचारिक समापन,सहयोगीहरुलाई सम्मान

आइतबारदेखि सुरु भएको देउडा कार्यक्रम समापन भएको छ ।
मंगलबार नै एक औपचारिक कार्यक्रमको आयोजना गरी समापन गर्ने भनिएको भएपनि वर्षाका कारण बुधबार समापन गरिएको हो ।
बुधबार बिहान देउडा आयोजक समिति एवं बजार व्यवस्थापन समितिका अध्यक्ष राम सिंह बिष्टको सभाध्यक्षतामा आयोजना गरिएको समापन समारोहका प्रमुख अतिथि पाटन नगरपालिकाका सामाजिक विकास समिति संयोजक एवं वडा नं ८ का वडा अध्यक्ष हरिश बिष्ट रहेका थिए ।
समापन कार्यक्रममा आयोजक समितिका सम्पूर्ण पदाधिकारी, आर्थिक सहयोग गर्ने व्यावसायी एवं विभिन्न संघ संस्थाका प्रतिनिधि, सुरक्षा निकायका प्रतिनिधि लगायतको सहभागिता रहेको थियो ।
समापन समारोहमा देउडा कार्यक्रमको आयोजना गर्नमा आर्थिक सहयोग गरेका व्यावसायीहरुलाई प्रमाणपत्र प्रदान गर्दै सम्मान गरिएको थियो ।
खोडपे बजारका व्यावसायी, वडा कार्यालय, यहाका सरकारी तथा गैह्र सरकारी संघ संस्थाहरुको आर्थिक सहयोगमा देउडा कार्यक्रमको आयोजना गरिएको हो ।
देउडीया कालाकारहरुलाई प्रस्तुतीका आधारमा कार्यक्रममा सञ्चालनकै क्रममा सम्मान गरिदै आएको थियो । यस वर्ष सबै कलाकारहरुलाई खान बस्न तथा आवतजावतको लागि गाडी भाडा निशुल्क गरिएको थियो । प्रस्तुतीका आधारमा सम्मान समेत गर्ने कार्यक्रम तय भएको थियो ।
समापन समारोहका प्रमुख अतिथि वडा अध्यक्ष हरिश बिष्टले खोडपेमा आयोजना गरिएको देउडा कार्यक्रमले खोड्पेको पहिचान बढाएको बताएका छन् ।
रिति संस्कृति संरक्षण र प्रवद्र्धनमा यस देउडा कार्यक्रमले टेवा पु¥याएको समेत उनले बताए । आगामी दिनमा पनि यस कार्यक्रमलाई निरन्तरता दिई थप परिस्कृत गर्दै लैजानुपर्नेमा उनले जोड दिए ।

देउडा आयोजक समितिका संयोजक एवं बजार व्यवस्थापन समितिका अध्यक्ष राम सिंह बिष्टले खोडपे बजारलाई थप एकताबद्ध बनाउनुपर्ने र सबैसँग सहकार्यगरी कार्यक्रमको आयोजना गरिने बताए ।
देउडा कार्यक्रम गर्नमा सबै साथ र सहयोग मिलेको बताउनुभयो । देउडा कार्यक्रमको आयोजना गर्नमा सहयोग गर्दै सबैप्रति कृतज्ञता प्रकट गरेका थिए ।