‘खोडपेमा कृषि संकलन केन्द्र सञ्चालन गर्छाैँ’

प्रदेश समाचार

Home
प्रदेश समाचार
‘खोडपेमा कृषि संकलन केन्द्र सञ्चालन गर्छाैँ’

‘खोडपेमा कृषि संकलन केन्द्र सञ्चालन गर्छाैँ’

बैतडीको पाटन नगरपालिकाले खोडपेमा तरकारी तथा फलफुल निकासीको सहजीकरणको लागि संकलन केन्द्र सञ्चालनमा ल्याउने जनाएको छ ।
राजस्व परामर्श समितिका संयोजक एवं नगर उपप्रमुख कमल सिंह बोहराले वडा नं ८ खोडपेमा गत साताको बुधबार एक कार्यक्रमलाई सम्बोधन गर्दै सो कुराको जानकारी गराएका हुन् । बुधबार पाटन–८ स्थित ओखलेश्वर कृषक समुहले आयोजना गरेको सार्वजनिक सुनुवाई कार्यक्रमलाई सम्बोधन गर्दै उप प्रमुख बोहराले कृषि उपजको बजारिकरणको सहजताका लागि फलफूल संकलन केन्द्र सञ्चालनमा ल्याइने जनाएका हुन् ।
उपपप्रमुख बोहराको भनाइ अनुसार किसानहरुले उत्पादन गरेको कृषि उपज सोही संकलन केन्द्रमा खरिद गरी राखिने र व्यापारीहरुले सोही संकलन केन्द्रबाटै खरिद गरी व्यावसायका लागि लैजान सक्नेछन् ।
‘नगरपालिकाले कर निर्धारण गरेपछि व्यापारीहरुले किसानहरुलाई पारमा पर्ने गरेको गुनासो बढेको छ । यही कुरालाई सम्बोधन गर्नको लागि कृषि उपज संकलन केन्द्र सञ्चालनको तयारी थाल्छौँ ।’ उपप्रमुख बोहराले भने ।
पाटन नगरपालिकाले कृषि उपजमा लगाएको कर बैधानिक भएको उपप्रमुख बोहराले बताए ।
कुनै किसानका लागि यो निर्णय नगरिएको बताउदै उपप्रमुख बोहराले नगरपालिका बाहिर निकासी गर्दा व्यापारीहरुका लागि मात्रै कर निर्धारण गरिएको बताए । ‘किसानहरुले उत्पदान गरेको कृषि उपज घरबाट बजार ल्याएर बेच्दा कर लाग्दैन, व्यापारीले यहाँबाट खरिद गरेर नगरपालिका बाहिर लैजाने क्रममा यो कर लाग्छ,’ उनले भने ।
उक्त कार्यक्रमलाई सम्बोधन गर्दै वडा नं ८ का वडा अध्यक्ष एव) सामाजिक विकास समिति संयोजक हरिश बिष्टले वडा नं ८, ९ र १०गरी तीन वटै वडालाई हेर्नेगरी कृषि र पशु प्राविधिको व्यवस्थाको माग गरेका थिए । उक्त विषयमा नगरपालिकामा छलफल गरिने नगर उपप्रमुख बोहराले बताए ।

प्रकाशित मिति: बिहीबार, असोज ३, २०८१ ०९:५८

प्रतिक्रिया दिनुहोस्