बैतडीः रास्वपाबाट प्रतिनिधिसभा सदस्यका उम्मेदवार भट्ट एमालेमा प्रवेश

प्रदेश समाचार

Home
प्रदेश समाचार
बैतडीः रास्वपाबाट प्रतिनिधिसभा सदस्यका उम्मेदवार भट्ट एमालेमा प्रवेश

बैतडीः रास्वपाबाट प्रतिनिधिसभा सदस्यका उम्मेदवार भट्ट एमालेमा प्रवेश

बैतडीबाट २०७९ मा राष्ट्रिय स्वतन्त्र पार्टीबाट प्रतिनिधिसभा सदस्यका उम्मेद्वार प्रकाशचन्द्र भट्ट एमालेमा प्रवेश गरेका छन् । आइतबार सम्पन्न एमालेको जिल्ला कमिटिको बैठकमा भट्टलाई एमालेले स्वागत गरेको हो ।
रास्वपाको पूर्व जिल्ला संयोजकको भूमिकामा समेत रहेका प्रकाशचन्द्र भट्टले एक विज्ञप्ती नै जारी गरी रास्वपा परित्याग गरेको र एमालेमा प्रवेश गरेको जनाएका छन् ।
पार्टी नेतृत्व जनभावना र मर्म अनुरुप चल्न नसकेको तथा सुझाव सल्लाह दिदापनि कुनै परिवर्तीत जनअपेक्षित आधार हुन नसक्ने र चरम चाकरीबाजमा लिप्त भएको हुदा पार्टी परीत्याग गरेको विज्ञप्तीमा उल्लेख गरेका छन् । उनले प्रतिनिधिसभा चुनावमा १४ सयबढी मत ल्याएका थिए । ‘पार्टीमा जोडिने छुट्टीने स्वतन्त्रताको कुरा हो, रास्वपामा मेरा धेरै कुराहरु असन्तुष्टिका विषयहरु छन्, विज्ञप्तीमा उल्लेख गरिसके’ उनले भने ।
पार्टी कार्यालय गडीमा सम्पन्न बैठकमा विभिद विषयमा समिक्षा गरिएको एमालेले जनाएको छ । पालिकागत समिक्षाका कार्यक्रमदेखि अन्य कार्यक्रमहरु सञ्चालन गरिने निर्णयहरु भएको बताइएको छ ।

प्रकाशित मिति: आइतबार, असोज ६, २०८१ १७:३८

प्रतिक्रिया दिनुहोस्