पाटनले ग¥यो योजना शाखा प्रमुख सहितका १३ जना कर्मचारीको करार थप नगर्ने निर्णय

प्रदेश समाचार

Home
प्रदेश समाचार
पाटनले ग¥यो योजना शाखा प्रमुख सहितका १३ जना कर्मचारीको करार थप नगर्ने निर्णय

पाटनले ग¥यो योजना शाखा प्रमुख सहितका १३ जना कर्मचारीको करार थप नगर्ने निर्णय

बैतडी,
बैतडीको पाटन नगरपालिकाका योजना शाखा प्रमुख इन्जिनियर गोविन्द प्रशाद पन्तसहितका १३ जना कर्मचारीको करार अवधि नथप्ने निर्णय गरेको छ ।
असोज १० गतेदेखि लगातार ३ दिन बसेको कार्यपालिका बैठकबाट योजना शाखा प्रमुख पन्तसहितका १३ जना करारका कर्मचारीहरुको करार अवधि थप नगर्ने निर्णय गरेको हो ।
योजना शाखा प्रमुख इन्जिनियर पन्त, योजना शाखामै कार्यरत सब इन्जिनियर दिनेश कुमार ऐर, सावरी चालक दिनेश चन्द, र कार्यालय सहयोगी पुष्पराज गिरी रहेका छन् ।
यसैगरी पाटन नगरपालिका–४ मा कार्यरत सामाजिक परिचालक जन्तरी बिस्ट, वडा नम्बर ६ मा कार्यरत यज्ञराज पन्त, वडा नम्बर १० मा कार्यरत विमला कुवँरको करारअवधि पनि नथप्ने निर्णय गरिएको छ ।
वडा नं ७ मा कार्यरत कार्यालय सहायक हरिकुमार विक, सामाजिक परिचालक रामदत्त भट्ट र पशु प्रविधिक महेश कुमार चन्दको करारअवधि थप नगर्ने निर्णय गरिएको नगरपालिकाले जनाएको छ ।
नगरपालिकामा दरबन्दी नै नभएका तर करारमा पदपुर्ती मात्रै गरिएकाहरुलाई हटाएको नगरपालिकाले जनाएको छ ।
योजना शाखा प्रमुख सहितका कर्मचारीको हकमा भने काम सन्तोषजनक नरहेको भन्दै हटाएको नगरपालिकाले जनाएको छ ।
‘सबै कार्यपालिका सदस्यहरुबाट हटाउने भन्ने कुरा आयो, सबैले सहमती जनाएका हुन्,’ नगर प्रमुख गौरी सिंह रावलले रेडियो सेभेन स्टारसँग भने ।
यसअघि २०७९ पुषमा पनि तत्कालिन इन्जिनियर राजेन्द्रसिंह ठगुन्ना, सव इन्जिनियर भरत साउँद र लक्ष्मण महरालाई बर्खास्त गरेको थियो ।
नगरपालिका मातहतका योजना कार्यान्वयनमा व्यापक त्रुटी भएको भन्दै उनिहरुलाई बर्खास्त गर्ने निर्णय गरेको थियो । उक्त समयमा नगरपालिकाको प्रशासकीय भवनमै उपप्रमुख कमल सिंह बोहराले हतौडा लिएर योजना अनुगमन गरेका थिए । त्यहाँ व्यापक कमजोर भएको देखिएपछि बर्खास्त गर्ने निर्णयमा पुग्न मद्दत पुगेको थियो ।
त्यसैगरी उक्त समयमा वडा नं ३ को एक विद्यालय भवनमा पनि त्रुटी देखिएको भन्दै योजना अनुगमनका संयोजक समेत रहेका उपप्रमुख बोहराले हतौडा प्रयोग गरेका थिए ।
नगरपालिकामा भइरहेका योजनाहरुको कार्यान्वयन निकै फितालो भइरहेको ठहर गर्दे योजना शाखाका इन्जिनियर सहितका प्रावधिकहरुलाई हटाइएको थियो ।
तर यस बखत इन्जिनियर पन्त र सब इन्जिनियर ऐरलाई हटाउने निर्णय गर्नुको कारण खुलाइएको छैन । काम सन्तोषजनक नरहेको भन्दै हटाइएको बताइएको छ ।

यसैगरी कार्यपालिका बैठकबाट समायोजन हुन छुटेका सामुदायिक विद्यालयहरुलाई समायोजनमा लैजानेगरी अघि बढ्ने निर्णय पनि गरिएको सामाजिक विकास समिति संयोजक एवं वडा नं ८ का वडा अध्यक्ष हरिश बिष्टले बताए ।

नगरपालिकाले बनाएको मापदण्ड बमोजिम विद्यालय समायोजन र दरबन्दी मिलानको कार्यलाई अघि बढाउने निर्णय भएको सामाजिक विकास समिति संयोजक बिष्टले बताए ।

“यस विषयमा दशैं लगत्तै कार्यपालिकामा बृहत छलफल हुन्छ, त्यसपछि अनुगमन गर्छाै, समायोजन हुन छुटेका विद्यालयहरुलाई समायोजन गर्छाैँ” संयोजक बिष्टले भने ।

प्रकाशित मिति: सोमबार, असोज १४, २०८१ १२:२६

प्रतिक्रिया दिनुहोस्