पाटनमा खेलकुदमा ३९ लाख बजेट, खेलकुदजन्य कार्यक्रम गर्न सहज हुने

प्रदेश समाचार

Home
प्रदेश समाचार
पाटनमा खेलकुदमा ३९ लाख बजेट, खेलकुदजन्य कार्यक्रम गर्न सहज हुने

पाटनमा खेलकुदमा ३९ लाख बजेट, खेलकुदजन्य कार्यक्रम गर्न सहज हुने

बैतडी,
बैतडीको पाटन नगरपालिकाले खेलकुदमा यस वर्ष प्रयाप्त बजेट बाँडफाँड गरेको छ । आइतबार बसेको कार्यपालिका बैठकबाट खेलुकदमा प्रयाप्त बजेट बाँडफाँड गर्ने निर्णय गरेको हो ।
प्रत्येक वडा कार्यालयहरुलाई खेलकुदजन्य गतिबिधिका लागि एकएक लाख बजेट बाँडफाँड गरिएको छ भने, केही खेलकुद सामाग्री खरिद लगायतमा करिब ३९ लाख बजेट बिनियोजन गरिएको सामाजिक विकास समिति संयोजक एवं वडा नं ८ का वडा अध्यक्ष हरिश बिष्टले जानकारी दिए ।
खेलकुदको विकास र प्रवद्र्धनको लागि उक्त बजेट कार्यान्वयनको चरणमा जाने सामाजिक विकास समिति संयोजक बिष्टले बताए ।
पालिकास्तर देखि जिल्लास्तरमा खेलकुदका कार्यक्रमहरु भइरहने भएकाले खेलकुद शीर्षकमा बजेट नहुदा समस्या हुने गरेकोमा वडा तहमा पनि बजेट बिनियोजन गरिएको उनले बताए ।
प्रत्येक वडा कार्यालयमा एकएक लाख गरी १० लाख बिनियोजन गरिएको छ । १५ लाख रुपैया राष्ट्रपति रनिङ शिल्ड प्रतियोगिता आयोजना तथा सहभागिताको लागि र १० लाख बराबरको कबड्डी लगायतका खेल खेल्नको लागि आवश्यक पर्ने म्याट खरिद गर्ने निर्णय गरिएको नगरपालिकाले जनाएको छ ।
यसैगरी क्रिकेटजन्य प्रतियोगिताको आयोजना गर्ने गरेका पाटन क्रिकेट क्लब र पाटन भ्याली क्रिकेट क्लबको लागि प्रतियोगिता सञ्चालन गर्न दुईदुई लाखका दरले ४ लाख रुपैया उपलब्ध गराउने निर्णय पनि गरिएको छ ।
यसअघिका वर्षहरुमा पाटन नगरपालिकाले खेलकुदमा न्युन बजेट बिनियोजन गर्ने गरेको थियो । आर्थिक वर्षको अन्त्यमा अन्य शीर्षकबाट रकमान्तरगरी खेलकुदका कार्यक्रमका लागि बजेट निकासा गर्ने गरेको थियो ।
यस वर्ष भने बजेटको शीर्षकमा छुट्याएर बजेट बिनियोजन गरेको छ ।

प्रकाशित मिति: मंगलबार, असोज १५, २०८१ १०:१६

प्रतिक्रिया दिनुहोस्