पाटन–८ मा योजना छनौटबारे छलफल

प्रदेश समाचार

Home
प्रदेश समाचार
पाटन–८ मा योजना छनौटबारे छलफल

पाटन–८ मा योजना छनौटबारे छलफल

बैतडी,
बैतडीको पाटन नगरपालिकाको वडाहरुमा योजना छनौटबारे छलफल भएको छ । मंगलबार वडा नं ८को वडा कार्यालयमा चालु आर्थिक वर्षका योजना छनौटका विषयमा छलफल भएको हो । वडास्तरीय टोल विकास संस्थाका संयोजक, महिला सञ्जाल, युवा क्लब, बाल क्लब, दलित सञ्जालका प्रमुख एवं प्रतिनिधि, वडामा रहेको विद्यालय व्यवस्थापन समितिका प्रतिनिधि, राजनिकि दलका प्रतिनिधि, सामाजिक अगुवाहरु बोलाएर योजना छनौटका विषयमा छलफल गरिएको हो ।
मंगलबारको छफलबाट योजनाहरुको प्राथमिकरण गरिएको र वडा समितिको बठकबाट पारीत गरेर नगरपालिकामा पठाउने वडा अध्यक्ष एवं नगरपालिकाका सामाजिक विकास समितिका संयोजक हरिश बिष्टले जानकारी दिए ।
सबै क्षेत्रबाट आएका योजनाको बारेमा छलफल गरिएको छ, भने शिक्षा, स्वास्थ्य र आर्थीक आयस्तर वृद्धिका कार्यक्रमसञ्चालन गर्ने विषयमा वृत छलफल गरिएको वडा अध्यक्ष बिष्टले बताए ।
शिक्षा, स्वास्थ्यका विषयमा पनि वडामा छलफल भएको हो ।
नगरपालिकाबाट वडामा दिएको बजेट सिलिङको परिधिभित्र रहेर योजना कार्यान्वयन गर्ने विषयमा छलफल भएको वडा सचिव सरद प्रशाद भट्टले जानकारी दिए ।
सिमित बजेटको सिमाभित्र रहेर सबै क्षेत्रलाई समेट्नेगरी बजेट कार्यान्वयनको चरणमा लैजाने वडा सदस्य जगदिश बिष्टले बताए ।
टोलबाट प्राथमिकिकरण भई आएका योजनाका विषयमा छलफल भएको हो ।
पाटन नगरपालिकामा चालु आर्थिक वर्षको बजेट बाँडफाँडमा ढिलाई भएको थियो । यही असोज १० गतेदेखि ३ दिनसम्म बसेको कार्यपाकिा बैठकबाट बजेटलाई अन्तिमरुप दिने निर्णय गरेको छ । सोही अनुरुप वडा नं ८ मा पनि छलफल भएको हो ।

प्रकाशित मिति: मंगलबार, असोज १५, २०८१ १७:०९

प्रतिक्रिया दिनुहोस्