खोड्पेको ट्रमा सेन्टर सञ्चालनको माग गर्दै मुख्यमन्त्री शाहसमक्ष ज्ञापनपत्र पेश

प्रदेश समाचार

Home
प्रदेश समाचार
खोड्पेको ट्रमा सेन्टर सञ्चालनको माग गर्दै मुख्यमन्त्री शाहसमक्ष ज्ञापनपत्र पेश

खोड्पेको ट्रमा सेन्टर सञ्चालनको माग गर्दै मुख्यमन्त्री शाहसमक्ष ज्ञापनपत्र पेश

बैतडी,
बैतडीको पाटन नगरपालिका ८ मा रहेको ट्रमा सेन्टर यथासीघ्र सञ्चालनको माग गर्दै मुख्यमन्त्री कमल बहादुर शाह समक्ष ज्ञापनपत्र पेश गरिएको छ । शुक्रबार दिउँसो ट्रमा कर्नर सेन्टरको स्थलगत अनुगमन गरेका मुख्यमन्त्री शाह समक्ष वडा नं ८को कार्यालय र स्वास्थ्य चौकीको तर्फबाट ज्ञापनपत्र पेश गरिएको हो ।
बैतडी, दार्चुला, र बझाङको जक्सनमा रहेको क्षेत्र भएकाले यो ट्रमा सेन्टर सञ्चालन गर्न अति आवश्यक रहेको स्वास्थ्य चौकी व्यवस्थापन समितिका अध्यक्ष एवं वडा नं ८ का वडा अध्यक्ष हरिश बिष्टले आग्रह गरे ।
यस क्षेत्रमा वर्षैपिच्छे दुर्घटना बढ्दै गएकाले ट्रमा सेन्टर सञ्चालन ल्याउनुपर्ने उनको जोड थियो । ग्रामीण क्षेत्रमा पनि विपदजन्य घटना र भीरपाखाबाट समेत लडेर थुप्रै घाईते हुने गरेकाले ट्रमा सेन्टर सञ्चालनमा ल्याउन आवश्यक रहेको बिष्टले बताए ।
ट्रमा सेन्टर सञ्चालनको लागि केही थप उपकरण र जनसक्तीको प्रवन्ध गर्नुपर्ने सिद्धेस्वर स्वास्थ्य चौकीका सिनियर अहेव जयराज भट्टले बताए ।
सिद्धेस्वर स्वास्थ्य चौकी सँगै जोडिएको खोडपेको ट्रमा सेन्टर सञ्चालनमा ल्याउन सके थुप्रै नागरिकहरुले सेवा लिने भएकाले यथासीघ्र ट्रमा सेन्टर सञ्चालन गरिदिन ज्ञापत्रपत्रमा उल्लेख गरिएको छ ।
स्वास्थ्य चौकी व्यवस्थापन समिति एवं वडा अध्यक्ष बिष्ट र सिनियर अहेव भट्टद्धारा पेश गरिएको ज्ञापनपत्र बुझ्दै मुख्यमन्त्री शाहले ट्रमा सेन्टर सञ्चालनको लागि प्रदेश सरकारले आवश्यक पहल गर्ने बताए । ‘यो संघीय सरकारद्धारा बनेको रहेछ,’ समन्वय गरेर यो ट्रमा सेन्टर सञ्चालन गर्ने पहल गर्छाैँ मुख्यमन्त्री शाहले भने ।
सङ्घीय सरकारले ट्रमा कर्नरका लागि आर्थिक वर्ष २०७७÷०७८मा ५० लाख बजेट बिनियोजन गरेको थियो । त्योमध्ये ३५ लाख भौतिक निर्माणका लागि ठेक्का खोलिएको थियो । भौतिक निर्माणमा रकम अपुग भएपनि नगरपालिकाले पनि थप ५ लाख बजेट बिनियोजन गरेको थियो ।
संघीय सरकारलबाट बिनियोजन बाँकी बजेटबाट केही बेडसहितका उपकरण खरीदमा खर्च गरेको थियो ।

प्रकाशित मिति: शुक्रबार, असोज १८, २०८१ १६:५३

प्रतिक्रिया दिनुहोस्