बैतडीमा जिप दुर्घटना,चार जना घाइते

प्रदेश समाचार

Home
प्रदेश समाचार
बैतडीमा जिप दुर्घटना,चार जना घाइते

बैतडीमा जिप दुर्घटना,चार जना घाइते

बैतडी,
बैतडीमा जिप दुर्घटना हुदा चार जना घाइते भएका छन् । मंगलबार जिल्लाको मुस्याखान शंकरपुर सडकखण्डमा पर्ने सुर्नया गाउँपालिका–६ स्थित खर्काधार भन्ने स्थानमा म १ ज १८६ नम्बरको जिप दुर्घटना हुदा चार जना घाइते भएका हुन् ।
घाइने हुनेमा सुर्नया गाउँपालिका–४ का ३२ वर्षीय बिर सिंह महरा, सुर्नया–६ का २० वर्षीय बसन्त कुवँर, सुर्नया–४ मा २० वर्षीय नविन सिंह महरा, सुर्नया–४ कै २८ वर्षीय मान सिंह महरा रहेको जिल्ला प्रहरी कार्यालय बैतडीका प्रबक्ता, प्रहरी निरीक्षक जनकराज ढुंगानाले जानकारी दिए ।
घाइतेमध्ये ३२ वर्षीय बिर सिंह महरा र सुर्नया–६ का २० वर्षीय बसन्त कुवँरको अवस्था गम्भिर रहेको बताइएको छ । उनिहरुलाई उपचारको लागि डडेल्धुरा लगिएको छ । अन्य दुई जनाको स्थानीय स्वास्थ्य संस्थामा उपचार भइसहेको छ।
चालक २२ वर्षीया प्रकाश कुवरलाई नियन्त्रणमा लिइएको प्रहरीले जनाएको छ ।
चालकले जिपलाई रोकेर पसलतिर गएको र सोहप् अवस्थामा जिप आफै अघि बढेर दुर्घटनामा परेको प्रहरीले जनाएको छ । चालकको कमजोरीका कारण सो दुर्घटना भएको बुझिएको प्रहरीले जनाएको छ । जिप सडकबाट करिब ५० मिटर तल खसेको छ ।

प्रकाशित मिति: मंगलबार, असोज २२, २०८१ २१:४२

प्रतिक्रिया दिनुहोस्