पाटन प्रिमियर लिगः सुपर सिक्समा आयोजक पाटन क्रिकेट क्लब र गुरुखोला विजयी

प्रदेश समाचार

Home
प्रदेश समाचार
पाटन प्रिमियर लिगः सुपर सिक्समा आयोजक पाटन क्रिकेट क्लब र गुरुखोला विजयी

पाटन प्रिमियर लिगः सुपर सिक्समा आयोजक पाटन क्रिकेट क्लब र गुरुखोला विजयी

बैतडी
बैतडीको पाटन नगरपालिकामा जारी चौथो संस्करणको पाटन प्रिमियर लिग(पिपिएल–४)मा आयोजक पाटन क्रिकेट क्लब र टिम गुरुखोला लाइन्स विजयी भएका छन् ।
आजै भएको दोश्रो खेलमा पाटनले कुलगडे क्रिकेट क्लबलाई ८ विकेटले पराजित गर्दै जित निकालेको हो ।
कुलगडेले दिएको ५६ रनको झिनो लक्ष्य पाटनले ४.१ ओभरमा २ विकेटको क्षतिमा पूरा गर्याे । जसमा सचिन साउदले २४ र सुमित बुडालले १४ रनको योगदान गरे । कुलगडेका सुरज ठगुन्नाले १ विकेट लिए ।
यसअघि श्री कृष्ण मावि पाटनको खेलमैदानमा पहिला ब्याटिङ गरेको कुलगडे ११.१ ओभरमा ५५ रनमा अलआउट भयो । कुलगडेका पञ्कज लुहारले १७ रन जोड्नुबाहेक अन्य ब्याटरले दोहोरो अंकमा रन जोड्न सकेनन् ।
कुलगडेको पारी ध्वस्त पार्ने क्रममा म्यान अफ द म्याच भएका पंकज पन्तले ३, सुभाष बिष्ट र सुशील भाटले २÷२ विकेट हात पारे ।
आजको जितले पाटनलाई सेमीफाइनलमा पुग्ने सम्भावना बलियो बनाएको छ ।
यसअघि आजै सम्पन्न पहिलो सुपर सिक्सको खेलमा पाटन भ्याली क्रिकेट क्लबलाई १६८ रनले स्तब्ध पार्दै कोइनोडा गुरूखोला लाइन्सले फराकिलो जित दर्ता गरेको थियो ।
पाटन भ्याली क्रिकेट क्लबलाई १६८ रनले पराजित गर्दै गुरुखोलाले उत्कृष्ट जित दर्ता गरेको हो ।
गुरूखोलाले दिएको २५७ रनको विशाल लक्ष्य पछ्याउने क्रममा भ्याली १४.२ ओभरमा ८८ रनमा समेटियो । उसका विकास विष्टले सर्वाधिक २४ रन हिर्काए ।
गुरूखोलाका कप्तान वसन्त खत्रीले ३, विकास आग्री,भुपेन्द्र चन्द र कल्पेश चन्दले २÷२ विकेट हात पारे ।
यसअघि श्रीकृष्ण मावि पाटनको खेलमैदानमा पहिला ब्याटिङ गरेको गुरूखोलाले निर्धारित २० ओभरमा ५ विकेटको क्षतिमा २५६ रन बनायो । जसमा निराजन गौतमले ११० रनको शतकीय पारी खेले । वसन्त खत्रीले ६६ रनको योगदान गरे ।
भ्यालीका किरन चन्दले २ विकेट लिए ।
गुरूखोलाका निराजन गौतम म्यान अफ द म्याच भएका स्कोरर तिलक बोहराले जानकारी दिए । यो फराकिलो जितसंगै गुरूखोलाले सेमिफाइनलको सम्भावना बलियो बनाएको छ ।
प्रतियोगिता अन्तरगत आइतबार पनि सुपर सिक्सका दुई खेल हुनेछन् ।
पहिलो खेलमा पाटन क्रिकेट क्लब र पञ्चेश्वर गाउँपालिका खेल्दा दोस्रोमा पाटन भ्याली क्रिकेट क्लब र निङ्गलाशैनी क्रिकेट क्लबबीच प्रतिस्पर्धा हुनेछ ।