पाटन प्रिमियर लिगः सेमिफाइनलमा पुग्ने चारवटै टोलीको टुंगो लाग्यो

प्रदेश समाचार

Home
प्रदेश समाचार
पाटन प्रिमियर लिगः सेमिफाइनलमा पुग्ने चारवटै टोलीको टुंगो लाग्यो

पाटन प्रिमियर लिगः सेमिफाइनलमा पुग्ने चारवटै टोलीको टुंगो लाग्यो

बैतडीको पाटनमा जारी चौथो संस्करणको पाटन प्रिमियर लिग(पिपिएल–४)मा सेमिफाइनलमा पुग्ने चार वटै टोलीको टुंगो लागेको छ ।
जारी प्रतियोगितामा आयोजक पाटन क्रिकेट क्लब, गुरुखोला लायन्स, पञ्चेश्वर गाउँपालिका र पाटन भ्याली सेमिफाइनलमा पुगेका छन् ।
क्वाटर फाइनलको खेलमा गुरुखोला र पञ्चेश्वर अपराजित रहदै सेमिफाइनलमा पुगेका हुन् ।
आयोजक पाटन क्रिकेट क्लब र पाटन भ्याली एक एक खेलमा पराजित भएका हुन् ।
मंगलबार(भोली) सेमिफाइनलका खेलहरु हुनेछन् । बुधबार फाइनल प्रतिस्पर्धा गराइने छ ।
मंगलबार हुने सेमिफाइनलका खेलमा पहिलो खेल आयोजक पाटन क्रिकेट क्लब र गुरुखोलाकाबीच हुने छ भने दोश्रो खेल पञ्चेश्वर गाउँपालिका र पाटन भ्यालीबीच खेल हुने आयोजक पाटन क्रिकेट क्लबका सचिव दिलेन्द्र ठगुन्नाले जानकारी दिए ।
पाटन क्रिकेट क्लबको आयोजनामा असोज ३० गतेदेखि शुरू भएको प्रतियोगितामा १७ टोलीको सहभागीता रहेको छ । सहभागी टोलीलाई छ समूहमा विभाजन गरेर खेल भइरहेका छन् ।
प्रतियोगिताको प्रथम पुरस्कार १ लाख २३ हजार ४५६ नगदसहित ट्रफी, मेडल, र प्रमाणपत्र प्रदान गरिने क्लबका अध्यक्ष किरन चन्दले बताउनुभयो।
द्वितिय पुरस्कार ५६ हजार ७८९ नगदसहित ट्रफी, मेडल, र प्रमाणपत्र प्रदान गरिने क्रिकेट क्लबले जनाएको छ ।
यसैगरी म्यान अफ द सिरज वाफत १२ हजार ३४५ नगदसहित ट्रफी, मेडल, र प्रमाणपत्र प्रदान गरिने छ । बेस्ट बलर र ब्याट्सम्यानलाई पनि समान ६ हजार ७८९ नगदसहित ट्रफी, मेडल, र प्रमाणपत्र प्रदान गरिने छ ।
यसअघि पहिलो संस्करणको पाटन प्रिमियर लिग (पिपिएल) क्रिकेटको उपाधि कैलपाल क्रिकेट क्लब जर्ग,दोस्रो भीमदत्त बहुप्राविधिक शिक्षालय (बिडिपिआइ) र तेस्रो मेलौली नगरपालिकाले हात पारेको थियो ।