पाटन भ्याली क्रिकेट क्लबले उदयदेव प्रिमियर लिग–२ आयोजना गर्ने

प्रदेश समाचार

Home
प्रदेश समाचार
पाटन भ्याली क्रिकेट क्लबले उदयदेव प्रिमियर लिग–२ आयोजना गर्ने

पाटन भ्याली क्रिकेट क्लबले उदयदेव प्रिमियर लिग–२ आयोजना गर्ने नगरपालिकासँग सहकार्य गर्दै कृषि प्रदर्शनी कार्यक्रमको पनि तयारी थालेको छ ।

स्टार बुलेटिन शनिबार, कात्तिक २४, २०८१

बैतडीको पाटन नगरपालिका वडा नं ६ मा रहेको पाटन भ्याली क्रिकेट क्लबले दोश्रो संस्करणको उदयदेव प्रिमियर लिग आयोजना गर्ने भएको छ ।
क्लबको आज बसेको बैठकले दोश्रो संस्करणको उदयदेव प्रिमियर लिग आयोजनाको लागि आन्तरिक तयारी गर्ने निर्णय गरेको हो ।

गत वर्ष नगरस्तरीय प्रतियोगिताको आयोजना गरेको पाटन भ्याली क्रिकेट क्लबले यस वर्ष जिल्लास्तरीय वा क्लबस्तरीय गर्ने भन्ने विषयमा आगामी बैठकबाट छलफलगरी टुंगोमा पु¥याइने क्लबका सचिव सन्तोश जोशीले जानकारी दिए । आजको बैठकबाट उदयदेव प्रिमियर लिगको लोगो पनि अनावरण गरिएको सचिव जोशीले बताए । विगतका वर्षहरुभन्दा यसवर्ष थप परिस्कृत गर्दै प्रतियोगिताको आयोजना गरिने क्लबले जनाएको छ ।

कृष्ण माविकै खेलमैदानमा प्रतियोगिता आयोजना हुने छ । खेलमैदान स्तरोन्नतीको लागि यस वर्ष निर्माणको काम हुने भएकाले प्रतियोगिताको लागि अर्काे बैठकबाट निर्णय गरिने बताइएको छ ।

खेललाई धार्मिक पर्यटनसँग पनि जोड्ने उदेश्यकासाथ उदयदेव प्रिमियर लिगको आयोजना गर्न लागिएको सचिव जोशीले जानकारी दिए । यस प्रतियोगिताको अवधिभर यहाँका धार्मीक पर्यटनसँग जोडिएका क्षेत्रको व्यापक प्रचार गरिने भ्यालीले जानकारी गराएको छ ।

यसैगरी पाटन भ्याली क्रिकेट क्लबले पाटन नगरपालिकासँग पनि समन्वय गरि अतिरिक्त कार्यक्रमको आयोजना गर्ने भएको छ । महाशिवरात्रीको अवसरमा कृषि प्रदर्शनी मेलाको आयोजना गर्नमा पनि क्लबले सहकार्य गर्ने निर्णय गरेको क्लबका कोषाध्यक्ष बिरेन्द्र भण्डारीले जानकारी दिए ।

गत वर्ष पनि स्वर्गेनी पिपल धाममा लागेको मेलामा वडा कार्यालयसँग सहकार्य गरेर कृषि प्रदर्शनी मेलाको आयोजना गरेको थियो ।

प्रकाशित मिति: शनिबार, कात्तिक २४, २०८१ १५:११

प्रतिक्रिया दिनुहोस्