नेपाल राष्ट्रिय शिक्षक संगठन पाटनले बुझायो नगरपालिकालाई ज्ञापनपत्र

प्रदेश समाचार

Home
प्रदेश समाचार
नेपाल राष्ट्रिय शिक्षक संगठन पाटनले बुझायो नगरपालिकालाई ज्ञापनपत्र

नेपाल राष्ट्रिय शिक्षक संगठन पाटनले बुझायो नगरपालिकालाई ज्ञापनपत्र

बैतडी,
नेपाल राष्ट्रिय शिक्षक संगठन पाटन नगर समितिले पाटन नगरपालिकालाई ज्ञापनपत्र पेश गरेको छ ।
संगठनका नगर समिति अध्यक्ष गोपालदत्त भट्टले नगर प्रमुख गौरी सिंह रावल समक्ष ज्ञापनपत्र पेश गरेका हुन् ।
पाटन नगरपालिकाले हालै नगर शिक्षक व्यवस्थापन र विद्यालय समायोजको विषय चर्चामा ल्याएकोमा यसमा पुनरबिचार गरिनुपर्ने माग गरिएको छ ।
विद्यालय समायोजक र शिक्षक दरबन्दी मिलान शैक्षिक सत्रको सुरुवातमा मात्रै गरिनुपर्ने माग अघि सारिएको छ ।
नगर शिक्षकहरुको हकमा शिक्षकहरुको योगदानमा आधारित निवृत्तिभरण सेवासहित आवश्यक सुरक्षाको माग गरिएको छ ।
विद्यालयसँग जोडिएका सबै पक्षसँग आवश्यक गहन छलफल गरेर मात्रै विद्यालय समायोजनको प्रक्रिया अघि बढाउनुपर्ने र समायोजनको औचित्य पुष्टि गरिनुपर्ने माग अघि सारिएको छ ।
शिक्षासँग जोडिएका ऐन नियमावली र स्थानीय सरकार सञ्चालन ऐन नबाझिनेगरी नगरस्तरीय शिक्षा बिनियमावली निर्माण गरिनुपर्ने माग गरिएको छ ।

प्रकाशित मिति: बुधबार, कात्तिक २८, २०८१ १९:०४

प्रतिक्रिया दिनुहोस्