सिगास गाउँपालिकामा सार्ववजनिक सुनुवाई तथा समिक्षा सम्पन्न

प्रदेश समाचार

Home
प्रदेश समाचार
सिगास गाउँपालिकामा सार्ववजनिक सुनुवाई तथा समिक्षा सम्पन्न

सिगास गाउँपालिकामा सार्ववजनिक सुनुवाई तथा समिक्षा सम्पन्न

बैतडीको सिगास गाउँपालिकाको प्रथम त्रैमासिकको सार्वजनिक सुनुवाई तथा समिक्षा कार्यक्रम सम्पन्न भएको छ । शुत्रबार गाउँपालिकाको कार्यालय गर्जेमा एक औपचारिक कार्यक्रमकाबीच सार्वजनिक सुनुवाई कार्यक्रम तथा समिक्षा कार्यक्रम सम्पन्न भएको हो ।
गाउँपालिकाले चालु आर्थिक वर्षमा सम्पन्न गर्ने योजना तथा कार्यक्रमको बारेमा जानकारी गराएको थियो ।
गाउँपालिकाका प्रमुख प्रशासकीय अधिकृत रघुनाथ अवस्थीले चालु आर्थिक वर्षको कुल अनुमानित बजेट ४८ करोड ३१ लाख ४३ हजार बारबरको रहेको जानकारी गराएको थिए । उक्त बजेटमध्ये पहिलो त्रैमासिककमा १५ प्रतिशत खर्च भएको जानकारी गराएका थिए ।
चालु आर्थिक वर्षका योजना कार्यान्वयनको चरणमा लैजान उपभोक्ता समिति गठनदेखि ठेक्का प्रक्रियाको काम सुरु हुन गइरहेको जानकारी गराएका थिए ।
सार्वजनिक सुनुवाई कार्यक्रममा आएका जिज्ञासा तथा प्रश्नको गाउँपालिकाको तर्फबाट जवाफ दिइएको थियो ।
अधिकांश प्रश्नकर्ताहरुले विद्युत विस्तार, सडकको स्तरोन्नती र सञ्चारको सहज पहुुँचको विषयमा जिज्ञासा राखेका थिए ।
जवाफमा गाउँपालिका अध्यक्ष हरि सिंह धामीले श्रीभावर–दोगाड–गर्जे सडक स्तरोन्नतीको गर्नको लागि विश्व बैंक, प्रदेश सरकार, संघ सरकार र सिगास गाउँपालिकाबीचको चारपक्षीय सम्झौताको तयारी भएको जानकारी गराएका थिए ।
यसैगरी विद्युत विस्तारको लागि पनि विद्युत वितरण केन्द्रसँग भएको समन्वयका आधारमा लगत्तै गाउँपालिकाको केन्द्रमा बिजुली पुग्ने र पालिकाभर विद्युत विस्तारको काम तिब्र भइरहेको जानकारी गराएका थिए ।
सबै वडाहरुमा सडकको पहुँच पुगेकाले स्तरोन्नतीको लागि पहल भइरहेको पनि जानकारी गराइएको थियो ।
सार्वजनिक सुनुवाई कार्यक्रमका गाउँपालिका अध्यक्ष हरि सिंह धामी, प्रमुख प्रशासकीय अधिकृत रघुनाथ अवस्थी, वडा नं १ का वडा अध्यक्ष रामचन्द्र ऐर, वडा नं ३ का वडा अध्यक्ष एवं प्रबक्ता अमर सिंह धामी, वडा नं ५ का वडा अध्यक्ष राजेन्द्र चन्द, वडा नं ७ वडा अध्यक्ष कर्ण बहादुर साउँद, वडा नं ९ वडा अध्यक्ष कृष्ण सिंह धामी लगायत कार्यपालिका सदस्यहरु, सबै शाखागत प्रमुख एवं कर्मचारीहरु, स्थानीय सरोकारवाला प्रतिनिधिहरुको सहभागिता रहेको थियो ।

प्रकाशित मिति: शुक्रबार, कात्तिक ३०, २०८१ १९:३४

प्रतिक्रिया दिनुहोस्