एमाले पाटन नगरकमिटिको बैठक सम्पन्न,नगरपालिकाले शिक्षा सम्बन्धी गरेको निर्णयका विरुद्धमा दवाव दिने

प्रदेश समाचार

Home
प्रदेश समाचार
एमाले पाटन नगरकमिटिको बैठक सम्पन्न,नगरपालिकाले शिक्षा सम्बन्धी गरेको निर्णयका विरुद्धमा दवाव दिने

एमाले पाटन नगरकमिटिको बैठक सम्पन्न,नगरपालिकाले शिक्षा सम्बन्धी गरेको निर्णयका विरुद्धमा दवाव दिने

बैतडी,
नेकपा एमाले पाटन नगरकमिटिको बैठक सम्पन्न भएको छ । नगरपालिकाले शिक्षा सम्बन्धी गरेको निर्णयका विषयमा बैठकमा छलफल गरेको छ ।
पाटन नगरपालिकाले हालै विद्यालय समायोजन र नगर शिक्षक कोटा घटाउने निर्णयका विषयमा पुनरबिचार गर्न दवाव दिने एमालेले निर्णय गरेको हो ।
शैक्षिक सत्रको मध्य समयमा विद्यालय समायोजनको विषय उठान गरेर शैक्षिक क्रियाकलाप प्रभावित भएको एमाले नगर कमिटि अध्यक्ष धर्मराज भट्टले जानकारी दिए । नगर कमिटिको बैठकमा यसै विषयमा छलफल भएको उनले बताए ।
नगरपालिकाले ल्याएको मापदण्ड प्रस्तावित शिक्षा ऐन विपरित भएको ठहर गरिएको छ । विद्यालय समायोजन लगायतका विषयमा नगरपालिकाले सबै सरकोरवाला पक्षसँग वृहत छलफल गरेर अघि बढ्नुपर्ने एमाले नगर कमिटि अध्यक्ष भट्टले बताए ।

शैक्षिक सत्र सुरुहुनु सरोकारवाला पक्षसँग छलफल गरी अघि बढ्नुपर्ने बताएको छ । यसैगरी संघीय प्रस्तावित ऐनमा टेकेर भौगोलिक बिकटता, बसाइसराइ तथा जन्मदर लगायतका विषयलाई आत्मसाथ गर्दै आगामी निर्णय लिनुपर्ने र पालिकाले पनि बिनियम बनाउनु पर्ने माग गरिएको छ ।
नगरपालिकाले गरेको हालको निर्णय तत्काल फिर्ता लिनु पर्ने र अन्यथा शिक्षासँग सरोकार राख्नै सबै पक्ष एक ठाउँमा उभिएर नगरपालिकाले गरेको निर्णयका विरुद्धमा अघि बढ्ने समेत एमाले नगर कमिटिले निर्णय गरेको छ ।

एमाले नगरकमिटि अध्यक्ष धर्मराज भट्टको अध्यक्षतामा बसेको बैठकको प्रमुख अतिथिमा एमाले बैतडीका इन्चार्ज एवं केन्द्रिय कमिटि सदस्य लिलाधर भट्ट रहेका थिए । प्रदेशेसभा सदस्य जानकी ऐर बम, जिल्ला कमिटि उपाध्यक्ष लोकेन्द्र भण्डारी, पाटन नगरकमिटि इन्चार्ज देवेन्द्र कुवँर, प्रदेश कमिटि सदस्य, जिल्ला कमिटि तथा नगर कमिटि पदाधिकारी सहति सदस्य लगायत नेताहरुको सहभागिता रहेको थियो ।

प्रकाशित मिति: सोमबार, मंसिर ३, २०८१ १९:५३

प्रतिक्रिया दिनुहोस्