१६ दिने लैङ्गिक हिंसा विरुद्धको अभियानः पाटनका चार वटा विद्यालयमा अन्तरक्रिया

प्रदेश समाचार

Home
प्रदेश समाचार
१६ दिने लैङ्गिक हिंसा विरुद्धको अभियानः पाटनका चार वटा विद्यालयमा अन्तरक्रिया

१६ दिने लैङ्गिक हिंसा विरुद्धको अभियानः पाटनका चार वटा विद्यालयमा अन्तरक्रिया

बैतडी, बैतडीको पाटन नगरपालिकाका विद्यालयहरुमा लैङ्गिक हिंसा विरुद्धको अभियान अन्तरगत अन्तरक्रिया गरिएको छ ।
भुमेश्वर सामुदायिक विकास संघद्वारा चार वटा विद्यालयहरुमा अन्तरक्रिया गरिएको हो ।
लैङ्गिक हिंसा विरुद्धको १६ दिने अभियान अन्तरगत जनता मावि आरुबाटा, निल्पालेश्वर मावि डैसिली, कालिका मावि मटे र ज्ञानेश्वर मावि विजयपुरमा विद्यार्थीहरुसँग अन्तरक्रिया कार्यक्रम गरिएको भुमेश्वर सामुदायिक विकास संघका अध्यक्ष मान बहादुर ऐरले जानकारी दिए ।
एनसीई नेपाल, पाटन नगरपालिका र भुमेश्वर सामुदायिक विकास संघको त्रिपक्षीय सहकार्यमा सो कार्यक्रम गरिएको उनले बताए ।
यस कार्यक्रममा लैङ्गिक हिंसा, हिंसाका प्रकार, हिंसा न्युनिकरणका आधार, कानुनी प्रावधानबारेमा छलफल गरिएको उनले बताए ।
बालबालिकाहरुलाई हिंसाका बारेमा जानकारी गराउने, हिंसा न्युनिकरणका बालबालिकाको भुमिका बढाउने र समुदायलाई लैङ्गिक हिंसामुक्त गराउने विषयमा पनि जानकारी गराईएको उनले बताए ।
लैङ्गिक हिंसारहित विद्यालय वातावरण निर्माणगरी शैक्षिक गुणस्तरमा सुधार ल्याउने उदेश्य पनि रहेको उनले बताए ।