बैतडीः कोठामा आगो राखेर सुतेका एक विद्यार्थीको निस्सासिएर मृत्यु

प्रदेश समाचार

Home
प्रदेश समाचार
बैतडीः कोठामा आगो राखेर सुतेका एक विद्यार्थीको निस्सासिएर मृत्यु

बैतडीः कोठामा आगो राखेर सुतेका एक विद्यार्थीको निस्सासिएर मृत्यु

बैतडी,
बैतडीमा कोठामा अचेत अवस्थामा भेटिएका एक विद्यार्थीको मृत्यु भएको छ । जिल्लाको सुर्नया गाउँपालिका वडा नं ५ को धुलीधार घर भई पाटन नगरपालिका वडा नं ९ स्थित ज्ञानेश्वर नमुना माविमा अध्यायनरत १४ वर्षीय अपिल बिष्टको मृत्यु भएको हो ।

शनिबार बिहान करिब ७ बजे अचेत अवस्थामा भेटिएका बिष्टलाई उपचारको लागि डडेल्धुरा लगिएको थियो । डडेल्धुरा अस्पताल पु¥याउने क्रममा चिकित्सकले मृत घोषणा गरेका हुन् ।
बिष्ट पाटन नगरपालिका ९ को वियजपुर(साणीघाटी)मा रहेको दल बहादुर बिष्टको घरमा बस्दै आएका थिए । राती सुत्के क्रममा कोठामा आगो बलोर राखेका उनको निस्सासिएर मृत्यु भएको बुझिएको छ । राती सुत्नेक्रममा काठमाुनी आगो राखेका उनको निस्सासिएरै मृत्यु भएको प्रहरीको आंकलन छ ।

अपिल बिहान अबेरसम्म पनि बाहिर नआएपछि घरपेटी दल बहादुर बिष्टले प्रहरीलाई खबर गरेका थिए । लगत्तै खोडपे प्रहरी चौकीका इन्चार्ज उदय सिंह खडायतको प्रहरी टोली बिजयपुर पुगेका थिए । साडे १० बजे पु¥याएकोमा चिकित्सकले मृत घोषणा गरेको खोडपे प्रहरी चौकीका इन्चार्ज खडायतले जानकारी दिए ।

प्रकाशित मिति: शनिबार, मंसिर २२, २०८१ १७:१९

प्रतिक्रिया दिनुहोस्