जनकपुरलाई हराउँदै सुदूरपश्चिम एनपीएलकाे फाइनलमा

प्रदेश समाचार

Home
प्रदेश समाचार
जनकपुरलाई हराउँदै सुदूरपश्चिम एनपीएलकाे फाइनलमा

जनकपुरलाई हराउँदै सुदूरपश्चिम एनपीएलकाे फाइनलमा

जनकपुर बाेल्ट्सलाई हराउँदै सुदूरपश्चिम राेयल्स पहिलाे संस्करणकाे नेपाल प्रिमियर लिग (एनपीएल) क्रिकेटकाे फाइनलमा पुगेकाे छ ।

आज भएकाे पहिलाे क्वालिफायरमा सुदूरपश्चिमले जनकपुरलाई ८ विकेटले हरायाे । जनकपुरले दिएकाे १ सय ४० रनकाे लक्ष्य सुदूरपश्चिमले १८ ओभर ३ बलमा २ विकेट गुमाएर भेटायाे । सुदूरपश्चिमका विनाेद भण्डारीले ५८, सेफ अली जेबले ३२ रन बनाए । जनकपुरका ललित राजवंशी र किशाेर महताेले १/१ विकेट लिए ।

यसअघि कीर्तिपुरकाे त्रिवि क्रिकेट मैदानमा टस जितेर ब्याटिङ गरेकाे जनकपुरले २० ओभरमा ९ विकेट गुमाएर १ सय ३९ रन बनायाे । जनकपुरका जेम्स नीशमले ४५ रन बनाए । सुदूरपश्चिमका कप्तान दीपेन्द्रसिंह ऐरीले ३ विकेट लिए ।

अब जनकपुरले फाइनल प्रवेशका लागि भाेलि दाेस्राे क्वालिफायरमा कर्णाली याक्ससँग खेल्नेछ । याे खेलमा विजयी हुने टाेलीले फाइनलमा सुदूरपश्चिमसँग खेल्नेछ । एनपीएलमा आज बिहान भएकाे इलिमिनेटरमा चितवन राइनोजलाई हराउँदै कर्णाली दोस्रो क्वालिफायरमा पुगेको छ ।

फाइनल खेल आउँदो शनिवार हुनेछ ।

प्रकाशित मिति: बुधबार, पुस ३, २०८१ १६:२३

प्रतिक्रिया दिनुहोस्