माओवादी केन्द्र सुर्नयाको अध्यक्षमा केशवबहादुर बिष्ट चयन

प्रदेश समाचार

Home
प्रदेश समाचार
माओवादी केन्द्र सुर्नयाको अध्यक्षमा केशवबहादुर बिष्ट चयन

माओवादी केन्द्र सुर्नयाको अध्यक्षमा केशवबहादुर बिष्ट चयन

नेकपा माओवादी केन्द्रको सुर्नया गाउँकमिटि अध्यक्षमा केशवबहादुर बिष्ट चयन भएका छन् । बुधबार सुर्नया गाउँपालिका–५ रौलेश्वरमा सम्पन्न भएको दोश्रो गाउँ सम्मेलनले बिष्टको अध्यक्षतामा ४५ सदस्यीय नयाँ कमिटि गठन गरेको हो ।

सुर्नया गाउँपालिका वडा नं ५ का वडा अध्यक्ष समेत रहेका बिष्टको नेतृत्वमा माओवादी केन्द्रको नयाँ गाउँपालिका कमिटि चयन भएको माओवादी केन्द्रका बैतडी इञ्चार्ज नरेन्द्र कुँवरले बताए । उक्त कमिटिको यस्तै बरिष्ठ उपाध्यक्षमा दिलाराम भट्ट , उपाध्यक्षमा करन चन्द र हरिशराम विक, सचिवमा धनबहादुर बिष्ट, सह–सचिवमा रोशनी विक, कोषाध्यक्षमा जानकी बोहरा लगायत अन्य सदस्यहरु चयन भएका छन् ।

नेकपा माओवादी केन्द्र सुर्नया गाउँकमिटिका अध्यक्ष रामबहादुर कुँवरको अध्यक्षता भएको सम्मेलनमा माओवादी केन्द्रका बैतडी इञ्चार्ज कुँवर प्रमुख अतिथी रहेका थिए । एक दर्जन बढी नेता कार्यकर्ता विभिन्न पार्टी परित्याग गरि नेकपा माओवादी केन्द्रमा प्रवेश गरेका पनि बताइएको छ ।

सम्मेलनमा माओवादी केन्द्रका प्रदेश कमिटि सचिवालय सदस्य प्रेमप्रकाश भट्ट, जिल्ला संयोजक शंकर भण्डारी लगायतका नेता कार्यकर्ताहरुको उपस्थिती रहेको थियो ।

माओवादी केन्द्र बैतडीले पौष महिनाभित्र वडा र पालिका सम्मेलन सक्ने गरेर काम गरिरहेको नेकपा माओवादी केन्द्रको सुर्नया गाउँकमिटि अध्यक्षमा केशवबहादुर बिष्टले बताए । पार्टीको संगठन विस्तार र पुनर्जागरणका लागि सम्मेलनमा तीव्रता दिएको बताइएको छ ।