बैतडीमा दुई महिने बालकको शंस्कापद मृत्यु, वर्थिङ सेन्टरमा लगाइएको थियो खोप

प्रदेश समाचार

Home
प्रदेश समाचार
बैतडीमा दुई महिने बालकको शंस्कापद मृत्यु, वर्थिङ सेन्टरमा लगाइएको थियो खोप

बैतडीमा दुई महिने बालकको शंस्कापद मृत्यु, वर्थिङ सेन्टरमा लगाइएको थियो खोप

बैतडी,
बैतडीमा एक बालकको शंकास्पद मृत्यु भएको छ । जिल्लाको डिलासैनी गाउँपालिका वडा नं २ छेपट्टाका मुकेश रानाका दुई महिने छोरा आदर्शको शंकास्पद मृत्यु भएको हो ।
बुधबार दिउँसो १२ बजेको समयमा डिलासैनी –३ स्थित सिमार वर्थिङ सेन्टरमा खोप लगाएका आदर्श बिरामी भएपछि उपचारको लागि डडेल्धुरा अस्पताल लैजाने क्रममा बाटोमै मृत्यु भएको हो ।
नियमित खोप कार्यक्रम अन्तरगत आदर्शलाई सिमार वर्थिङ सेन्टरमा डिपिटी दोश्रो डोज र पिसिभीको पहिलो डोज लगाइएको थियो । त्यसैगरी ओपीभी र रोटा डोज खुवाइएको थियो ।
त्यसपछि दिउँसो ३ बजेदेखि जरु आएको र राती ¥याल फाल्न थालेपछि उपचारको लागि गोकुलेश्वर लगिएको थियो । त्यहा उपचार नभएपछि डडेल्धुरा अस्पताल लैजाने क्रममा बाटोमै मृत्यु भएको मृतकका आफन्त ध्रुब रानाले जानकारी दिए ।
सोही विवरणका डोजहरु अघिल्लो दिन पनि केही बालबालिकाहरुलाई लगाइएको र केही समस्या नआएको तर आदर्शको हकमा उक्त घटना भएको विषय संस्कास्पद रहेको डिलासैनी–३ स्थित रुद्रेस्वर स्वास्थ्य चौकीका इन्चार्ज सन्जु बोहराले जानकारी दिए ।
खोपका कारणले बालकको मृत्यु भएको भन्दै स्थानीयहरुले स्वास्थ्य कार्यालय बैतडीमा पनि जानकारी गराएका छन् । तर शवको पोष्टमाटम गरेपछि मात्रै मृत्युको कारण खुल्ने स्वास्थ्य कार्यालयले जनाएको छ ।
“मृतकका आफन्तले स्वास्थ्य कार्यालयमा जानकारी गराएका छन्, शवको पोष्टमाटम गर्छाै अनि कारण खुल्छ,” स्वास्थ्य कार्यालय बैतडीका सूचना अधिकारी विपिन लेखकले जानकारी दिदै भने ।
स्थानीयहरुले घटनाको छानबिनको माग गर्दै सडक अबरुद्ध पारेका छन् । आफन्तहरुले गोकुलेश्वर–गन्ना–लटिनाथ सडकखण्ड अबरुद्ध गरेका छन् ।

प्रकाशित मिति: बिहीबार, पुस ११, २०८१ १२:१२

प्रतिक्रिया दिनुहोस्