दोगडाकेदारमा रनिङ सिल्डको रौनक, बुधबार भव्य उद्घाटन

प्रदेश समाचार

Home
प्रदेश समाचार
दोगडाकेदारमा रनिङ सिल्डको रौनक, बुधबार भव्य उद्घाटन

दोगडाकेदारमा रनिङ सिल्डको रौनक, बुधबार भव्य उद्घाटन

बैतडी– बैतडीको दोगडाकेदार गाउँपालिकामा राष्ट्रपति रनिङ शिल्डको रौनक छाएको छ । दोगडाकेदार गाउँपालिका–७ लवलेकमा नयाँ निर्माण गरीएको खेलमैदानमा गाउँपालिकाले पालिकास्तरीय प्रतियोगिता आजबाट सुरु गरेको हो ।
प्रतियोगितामा गाउँपालिकाका ११ विद्यालयको सहभागिता रहेको गाउँपालिकाका प्रवक्ता दिनेश प्रसाद भट्टले बताउनुभयो ।
रनिङ सिल्डको औपचारिक उद्घाटनको दिन आज जिद्यालय स्तरीय नृत्य तथा गायन प्रतियोगिता समेत राखिएको थियो । आज पहिलो दिन नृत्य तथा गायन संगसंगै छात्र र छात्रा सय मिटर दौड प्रतियोगिता समेत सम्पन्न गरिएको छ । जसमा छात्र तर्फ श्रीकेदार मावि पीपलकोटका दिपक भुलले प्रथम, न्वाली मावि दोलीका सुरज दमाईले द्वतीय र सनातनधर्म मावि श्रीकोटका सागर कार्कीले तृतीय स्थान हाँसिल गरेका छन् ।
यस्तै छात्रा तर्फ भगवती मावि सित्तडकी अनिता जोशीले प्रथम, रौलेश्वर मावि मल्लाढीककी कौशीला कुँवरले द्वतीय र भगवती मावि सित्तडकी सोनम गोयलाले तृतीय स्थान हाँसिल गरेकी छिन् ।
गाउँपालिका अध्यक्ष चक्र कार्कीको अध्यक्षतामा गरिएको उद्घाटन समारोहमा बैतडीको दशरथचन्द नगरपालिकाका प्रमुख पुस्करराज जोशी (लख्खाभाई) प्रमुख अतिथी रहुनभएको थियो । कार्यक्रममा बोल्दै जोशीले संघ तथा प्रदेश सरकारहरुले खेलकुद क्षेत्रलाई उपेक्षा गरेपनि स्थानीय तहहरुले खेलकुदलाई प्रथमिकता दिइरहेको बताउनुभयो ।
स्थानीय तहहरु स्वयमले विभिन्न प्रतियोगिताहरु आयोजना गरेर प्रतिभावान खेलाडीहरु बहिर ल्याइरहेको उहाले बताउनुभयो । उहाँले भन्नुभयो ‘संघ सरकारले राष्ट्रपती रनिङ सिल्ड प्रतियोगिताका लागि जम्मा एक लाख बजेट बिनियोजन गर्ने गर्छ तर स्थानीय तहहरुले विभिन्न प्रतियोगिताहरु संचालन गर्दा ५० लाख बढी व्ययभार खेप्नुपर्ने अवस्था छ ।’
कार्यक्रमका अध्यक्ष एवं गाउँपालिका अध्यक्ष चक्र कार्कीले खेलकुदको विकासका लागि गाउँपालिकाले विगत देखिनै काम गरिरहेको बताउनुभयो । गाउँपालिकाले खेलमैदान निर्माण र खेलाडीहरुलाई प्रोत्सानका कार्यक्रमहरु समेत गरिरहेको बताउनुभयो ।
कार्यक्रममा सहभागी जिल्ला खेलकुद विकास समितिका अध्यक्ष चमन कुमार भण्डारीले दोगडाकेदार गाउँपालिकाको प्रसंसा गर्दै अन्य पालिकाले समेत खेलकुदको विकासका लागि यहाँबाट सिक्नुपर्ने बताउनुभयो ।
आजबाट सुरु भएको प्रतियोगिता चार दिन सम्म चल्ने छ । यो प्रतियोगितालाई जिल्ला स्तरीय राष्ट्रपति रनिङसिल्डको तयारीका रुपमा समेत लिइएको छ ।

प्रकाशित मिति: बुधबार, पुस २४, २०८१ १९:२६

प्रतिक्रिया दिनुहोस्