खोड्पेमा रहेको मानविय सहायता स्थलको अनुगमन, सञ्चालनमा ल्याउन पहल

प्रदेश समाचार

Home
प्रदेश समाचार
खोड्पेमा रहेको मानविय सहायता स्थलको अनुगमन, सञ्चालनमा ल्याउन पहल

खोड्पेमा रहेको मानविय सहायता स्थलको अनुगमन, सञ्चालनमा ल्याउन पहल

बैतडीको पाटन नगरपालिका वडा नं ८ स्थित मानवीय सहायता स्थलको अनुगमन गरिएको छ । जिल्ला विपद व्यवस्थापन समितिका संयोजक समेत रहनु भएका प्रमुख जिल्ला अधिकारी दीर्घराज उपाध्यायको नेतृत्वमा अनुगमन गरिएको हो ।
विपदका क्रममा आवश्यक पर्ने श्रोत साधन उपलब्ध हुने यस मानविय सहायता स्थल सञ्चालनमा ल्याउनको लागि सरोकारवालाको चासो बढेको हो ।
सहायाता स्थललाई सञ्चालनमा ल्याउनको लागि गृह मन्त्रालयमा प्रक्रिया अघि बढाउन माग गरिएकोमा सरोकारवाला निकायले चासो राखेको वडा नं ८ का वडा अध्यक्ष हरिश बिष्टले जानकारी दिए ।
तीन वटै जिल्लाको पायक पर्ने स्थानमा रहेको यो सहायता स्थल सञ्चालनमा ल्याउन सके बैतडीसहित, दार्चुला र बझाङमा कुनै विपदजन्य घटना घटेमा आवश्यक सरसामाग्री यही सहायतास्थलाट उपलब्ध गराउन सकिने प्रमुख जिल्ला अधिकारी दीर्घराज उपाध्यायले जानकारी दिए ।
मानवीय सहायता स्थल सञ्चालनमा ल्याउनको लागि केही थप संरचना निर्माण गर्नु पर्ने भएकाले त्यसका लागि पहल भइरहेको प्रमुख जिल्ला अधिकारी उपाध्यायले बताए ।
‘यो सहायता स्थल सञ्चालनमा ल्याउनकै लागि अनुगमन गरेका हौँ, केही थप संरचना पनि बनाउनुपर्ने छ, सुरक्षा व्यवस्थाका विषयमा पनि सल्लाह गर्छाैँ,’ प्रजिअ उपाध्यायले भने ।
वडामा बनेका संरचनाहरुलाई प्रयोगमा ल्याउनको लागि अनुगमन टोली मार्फत सरकार समक्ष आग्रह गरिएको हो ।
खोडपेमा रहेको ट्रमा सेन्टर सञ्चालनमा ल्याउनको लागि पनि सरोकारवाला निकायले चासो दिनुपर्नेमा जोड दिइएको थियो । प्रमुख जिल्ला अधिकारी उपाध्याय ज्युलाई ट्रमा सेन्टर सञ्चालनमा ल्याउनुपर्ने विषयमा जानकारी गराएको छु, ट्रमा सेन्टर पनि सञ्चालनमा ल्याउनु अपरिहार्य भएको छ, वडा अध्यक्ष बिष्टले भने ।
अनुगम टोलीमा जिल्ला प्रहरी कार्यालय बैतडीका प्रमुख मकेन्द्र कुमार मिश्र, श्रीबक्स गुल्मका गुल्मपती मधुसुधन केसी, सशस्त्र प्रहरी बल नेपाल गुल्म नं ५१ का प्रमुख, सशस्त्र प्रहरी नायव उपरिक्षक लक्ष्मण सिंह थापा, राष्ट्रिय अनुसन्धान कार्यालय बैतडीका प्रमुखअनुसन्धान अधिकृत डिगम्बर गिरी, वडा नं ८ का वडा अध्यक्ष हरिश बिष्टको टोलीले स्थलगत अनुगमन गरेको हो ।

प्रकाशित मिति: बिहीबार, माघ २४, २०८१ २०:२४

प्रतिक्रिया दिनुहोस्