मेलौलीमा कम्लब खरिद र सटर भाडा प्रकरण विवादमा

प्रदेश समाचार

Home
प्रदेश समाचार
मेलौलीमा कम्लब खरिद र सटर भाडा प्रकरण विवादमा

मेलौलीमा कम्लब खरिद र सटर भाडा प्रकरण विवादमा

बैतडी,
बैतडीको मेलौली नगरपालिकामा कम्बल खरिद प्रकरण र एकलौटीरुपमा सटर भाडामा दिएको विषयमा विवाद सिर्जना भएको छ।
मंगलबार नगरसभामा यी दुवै विषयले गम्भिररुप लिएपछि नगरसभा स्थगित भएको थियो भने बुधबार यस विषयमा गहन छलफल गर्दै राती करिब साढे ७ बजे नगरसभा सकिएको थियो ।
नगरपालिकाले ज्येष्ट नागरिकहरुको लागि भन्दै गत पुसामै कम्बल खरिद गरेको थियो । कार्यविधि बन्न नसकेको भन्दै आजसम्म वितरण गरिएको थिएन ।
यसैगरी खरिद प्रक्रियामा पनि आशंका व्यक्त गर्दै कार्यपालिका सदस्यहरुले यस विषयमा गम्भिररुपमा चासो राखेका थिए , सबै कम्बलहरु २५ सयका दरले खरिद गरिएको भनिएपनि ती कम्बलहरुको तौल फरकफरक रहेको बुझिएको छ । यस विषयमा पनि कार्यपालिका सदस्यहरुले ठोस जवाफ दिनुपर्ने माग गरेका हुन् ।
कम्बल खरिदमा आसंका व्यक्त गरिएले यस विषयमा छानबिन गर्ने सहमती भएको वडा नं १ का वडा अध्यक्ष सरद सिंह नेगीले जानकारी दिए ।
यसैगरी निर्माण व्यावसायीहरुलाई सटरहरु भाडामा दिएको विषयमा पनि कार्यपालिका सदस्यहरुले चासो राखेका छन् । निर्माण व्यावसायी तुलाराम भट्ट र प्रेम प्रकाश भट्ट “आदित्य”ले एकएक सटरहरु प्रयोग गरिरहेको पाइएको छ । नुवै निर्माण व्यावसायीहरुले नगरपालिकालाई कुनै भाडा नतिरी करिब डेढ वर्षदेखि प्रयोग गरिरहेको एक कार्यपालिका सदस्यले बताए ।
यस विषयमा पनि नगरपालिकाले कार्यविधि निर्माण गरि दुवै निर्माण व्यावसायीहरुबाट हालसम्मको भाडा असुल गरिने समेत ती सदस्यले बताए ।
दुवै निर्माण व्यावसायीले नगरपालिका मातहतका केही योजनाको ठेक्का पाएका छन् ।

प्रकाशित मिति: शुक्रबार, माघ २५, २०८१ ११:४९

प्रतिक्रिया दिनुहोस्