सिगास–३का ६३ घरमा एकै पटक विद्युत बालियो, पालिका अध्यक्ष धामीले स्वीच थिचेर गरे उद्घाटन

प्रदेश समाचार

Home
प्रदेश समाचार
सिगास–३का ६३ घरमा एकै पटक विद्युत बालियो, पालिका अध्यक्ष धामीले स्वीच थिचेर गरे उद्घाटन

सिगास–३का ६३ घरमा एकै पटक विद्युत बालियो, पालिका अध्यक्ष धामीले स्वीच थिचेर गरे उद्घाटन

बैतडी,
बैतडीको सिगास गाउँपालिका वडा न ३का ६३ घरहरुमा एकैपटक विद्युत सेवा पुगेको छ । सोमबार एक कार्यक्रमकाबीच विद्युत सेवा सुचारु गरिएको हो ।
गाउँपालिका अध्यक्ष हरि सिंह धामीले विद्युतको स्वीच थिच्दै ६३ घरहरुमा विद्युत सेवा सुचारु भएको घोषणा गरेका हुन् ।
सिगास गाउँपालिका र विद्युत प्राधिकरण बैतडीको साझेदारीमा विद्युतीकरणको काम भएको हो ।
सोमबार सिगास–३ को लगन, ठुलीसैन, मुसुणा, दुलैना र चमडेखर्कका ६३ घरहरुमा एकै पटक विद्युत बाल्दै विद्युत सेवा सुचारु भएको घोषणा गरिएको वडा नं ३ का वडा अध्यक्ष अमर सिंह धामीले जानकारी दिए ।
यसैगरी सोही वडाको अन्य गाउँहरुमा पनि क्रमीक रुपमा विद्युत सेवा जडानको काम भइरहेको वडा अध्यक्ष धामीले बताए ।
विद्युत सेवा सुचारु गर्दै गाउँपालिका अध्यक्ष हरि सिंह धामीले विभिन्न आरोह अवरोह पार गर्दै विद्युत सेवा पु¥याउन मद्दत पुर्याउन सहयोग गर्ने सबैमा कृतज्ञता प्रकट गरे । चुनावी प्रतिवद्धता अनुसार काम भइरहेको अध्यक्ष धामीले बताए । गाउँपालिकाले विद्युतीकरण र पुर्वाधारको कामलाई प्राथिमकतामा राखेर काम गरिएको गाउँपालिका अध्यक्ष धामीले बताए ।
विद्युत विस्तारको काम धमाधम भइरहेको र लगत्तै सोही वडाको २सय घरहरुमा विद्युतीकरण हुन गइरहेको विद्युत निर्माणको जिम्मा पाएको एसबी कन्ट्रक्सनका प्रतिनिधि प्रकाश जोशीले बताए ।
विद्युत वितरण केन्द्र बैतडी र पाटनको टोलीले पनि सिगास गाउँपालिकामा विद्युतीकरणको कामलाई प्राथमिकतामा राखेको छ । विभिन्न वडाहरुबाट विद्युत लाईन विस्तारको काम भइरहेको विद्युत वितरण केन्द्र बैतडीका प्राविधिक प्रमुख माधव लेखकले बताए ।
सोलारको भरमा बस्दै आएका स्थानीयहरुले विद्युत सेवा पुगेपछि खुसी व्यक्त गरेका छन् । गाउँमा विद्युत सेपा पुगेपछि अध्यारोको झन्जट हटेको स्थानीय राजेन्द्र सिंह धामीले बताए ।
सोमबार भुवन भास्कर माविमा आयोजना भएको विद्युत उद्घाटन समारोहमा गाउँपालिका अध्यक्ष हरि सिंह धामी, प्रमुख प्रशासकीय अधिकृत रघुनाथ अवस्थी, विद्युत वितरण केन्द्र बैतडीका प्राविधिक प्रमुख माधव लेखक, विद्युत वितरण केन्द्रका पाटनका इन्चार्ज केशव सिंह ऐर, गाउँपालिका प्रवक्त एवं वडा नं ३ का वडा अध्यक्ष अमर सिंह धामी लगायत जनप्रतिनिधि, पालिकाका कर्मचारी तथा स्थानीयहरुको बाक्लो उपस्थिति रहेको थियो ।

धेरै समयपछि बिजुली बाल्नमा सहयोग गर्ने सबैमा धन्यवाद दिए । पालिकालाइ सहयोग गरेकोमा प्राधिकरण लगायत यो टिमलाई धन्यवाद

भुवन भास्कर माविमा चमडेखर्कको औपचारिक कार्यक्रम गरि उद्धाटन गरिएको हो ।
यश सङ्गै सिन्याखेतमा लगत्तै जडान गरिएको निर्माणको जिम्मा पाएको श्री एसबी कन्ट्क्र्सनका प्रतिनिधि प्रकाश जोशीले बताए ।

प्रकाशित मिति: सोमबार, माघ २८, २०८१ १९:००

प्रतिक्रिया दिनुहोस्