बैतडीः महेश्वर आधारभुत विद्यालय रिसेडीको ६६ औँ वार्षिकोत्सव कार्यक्रम सम्पन्न

प्रदेश समाचार

Home
प्रदेश समाचार
बैतडीः महेश्वर आधारभुत विद्यालय रिसेडीको ६६ औँ वार्षिकोत्सव कार्यक्रम सम्पन्न

बैतडीः महेश्वर आधारभुत विद्यालय रिसेडीको ६६ औँ वार्षिकोत्सव कार्यक्रम सम्पन्न

बैतडीको पाटन नगरपालिका ८ स्थित महेश्वर आधारभुत विद्यालय रिसेडीको ६६ औँ वार्षिकोत्सव कार्यक्रम सम्पन्न भएको छ । सोमबार विद्यालयले विभिन्न सास्कृतिक कार्यक्रमको आयोजना गर्दै आफ्नो ६६ औँ वार्षिकोत्सव कार्यक्रम तथा अभिभावक दिवस मनाएको हो । विद्यालयले सञ्चालन गरेको अतिरिक्त क्रियाकलापमा उत्कृष्ट विद्यार्थीहरुलाई पुरस्कार समेत वितरण गरिएको प्रधानाध्यपक जय सिह भाटले जानकारी दिए ।

प्रधानाध्यपक भाटले विद्यालयको आर्थिक तथा शैक्षिक प्रतिवेदन प्रस्तुुत गर्नुभएको थियो ।

कार्यक्रममा बोल्दै पाटन नगरपालिका ८ का वडाअध्यक्ष एवंम सामाजिक विकास समिति संयोजक हरिश बिष्टले विद्यालयको सर्वाङ्गीण विकासका लागि आफु सधै तयार रहेको बताए । वडाबाट हुने सहयोग सधै रहने उनले बताए ।

यस्तै फरक प्रसंगमा बोल्दै उनले विद्यालय समायोजनका लागि कार्यपालिकामा कार्यदल बनेको जानकारी दिए । सो कार्यदलले विद्यालयहरुको अनुगमन गरी आएका सुझावहरुलाई कार्यपालिकामा प्रस्तुत गर्ने र त्यसपछि मात्रै समायोजनको प्रक्रिया अघि बढ्ने बताए ।

विद्यालय व्यवस्थापन समितिका अध्यक्ष चक्र सिंह महराको सभाध्यक्षतामा सुरु भएको कार्यक्रममा प्रमुख अतिथि पाटन नगरपालिका वडा नम्बर ८ का वडाअध्यक्ष एवंम सामाजिक विकास समिति संयोजक हरिश बिष्ट, बिशिष्ट अतिथिमा वडा सदस्य कृष्ण सिंह महरा, जगदिश बिष्ट र भुमिराज आधारभुत विद्यालय पाटन नगरपालिका २ टोटीपोखरीका प्रधानाध्यपक कमल सिंह महराले रहेका थिए ।

कार्यक्रमा मनोज पाण्डेय सञ्चारकर्मी गोविन्द पन्त (समर्थन) ले प्रत्यक्ष देउडा प्रस्तुत गरेका थिए ।

प्रकाशित मिति: सोमबार, फागुन १२, २०८१ १६:४३

प्रतिक्रिया दिनुहोस्