गृहमन्त्री लेखकबाट सहायता स्थलको निरीक्षण गराउने जानकारी दिइयो, मन्त्री प्रहरी चौकीबाट फर्किए

प्रदेश समाचार

Home
प्रदेश समाचार
गृहमन्त्री लेखकबाट सहायता स्थलको निरीक्षण गराउने जानकारी दिइयो, मन्त्री प्रहरी चौकीबाट फर्किए

गृहमन्त्री लेखकबाट सहायता स्थलको निरीक्षण गराउने जानकारी दिइयो, मन्त्री प्रहरी चौकीबाट फर्किए

बैतडी,
गृहमन्त्री रमेश लेखकले बैतडीको पाटन नगरपालिका वडा नं ८मा निर्माण गरिएको मानवीय सहायता स्थलको निरीक्षण गर्ने बताइएको भएपनि खोडपे प्रहरी चौकीबाट सलामी ठोकेर फर्किएको गुनासो गरिएको छ ।
शुक्रबार बिहान बझाङ जाने क्रममा खोडपेमा चियापानसँगै मानवीय सहायता स्थलको निरीक्षण गर्ने कार्यक्रम रहेको बताइएको थियो ।
मन्त्री लेखक करिब पौने ९ बजे खोडपे पुगेका थिए । प्रहरी चौकीमा सलामी थापेपछि चियापान कार्यक्रम सँगै स्थानीयहरुसँग सामान्य छलफल गरेका थिए । त्यसपछि लगत्तै बझाङ हिडेका थिए ।
वडा नं ८ का वडा अध्यक्ष हरिश बिष्टले प्रशानबाट मानवीय सहायता स्थलको निरीक्षण गर्ने जानकारी गराएको तर प्रहरी चौकीबाटै फर्किएको बताए । “प्रशासनबाटै हामिलाई मानवीय सहायतथा स्थलको निरीक्षण गर्ने जानकारी आएको थियो, हामिहरु सोही अनुसार तयारीमा थियौँ,” वडा अध्यक्ष बिष्टले भने “तर एक्कासी मन्त्री ज्युले प्रहरीको सलामी आए र गएछन्,” ।
मानवीय सहायता स्थल सञ्चालनको लागि सबै निकायसँग लगातार समन्वय गरिरहेको तर गृह मन्त्री लेखकले अनुगमन नगरीकनै गएको गुनासो गरिएको छ ।
प्रमुख जिल्ला अधिकारी दीर्घराज उपाध्यायले मन्त्री लेखकको निरीक्षण गर्ने कार्यक्रम नभएको भएपनि आफुहरुले मानवीय सहायतास्थलसम्म पुर्याउने जानकारी गराएको बताए । “यदी मौका मिल्यो भने मानवीय सहायता स्थलसम्म लैजाउला भन्ने थियो, तर कार्यक्रम प्राविधिकणका निमित्त प्रमुख पनि सँगै हुनुहुन्थ्यो, उहाले सबै जानकारी गारइसकेका थिए, लगत्तै तालिम सञ्चालन गरेर मानवीय सहाता स्थल सञ्चालनको प्रक्रियामा जान्छ,” प्रमुख जिल्ला अधिकारी उपाध्यायले भने ।
केहीदिन अघि मात्रै प्रमुख जिल्ला अधिकारी उपाध्यायसँगै सुरक्षा निकायका प्रमुख र वडा नं ८ का वडा अध्यक्ष बिष्टले सयुक्त निरीक्षण गरेका थिए ।
त्यसअघि पनि मानवीय सहायता स्थलको लागि मन्त्रालयसम्म माग गरिदै आएको छ ।
३ वर्ष प्हिले नै निर्माण गरिएको मानवीय सहायता स्थल हालसम्म पनि सञ्चालनमा आउन सकेको छैन ।

प्रकाशित मिति: शुक्रबार, फागुन २३, २०८१ १०:०७

प्रतिक्रिया दिनुहोस्